HDD ຫຍໍ້ມາຈາກ (Hard Disk
Drive) ຫຼື ທີ່ນິຍົມເອີ້ນວ່າ: Hard Disk ຄື ອຸປະກອນຄອມພິວເຕີ ເຮັດຫນ້າທີ່ເປັນຫນ່ວຍຄວາມຈຳສໍາຮອງ ເພື່ອຈັດເກັບຂໍ້ມູນຂອງຄອມພິວເຕີ, ສາມາດຈົດຈຳ ແລະ ລຶບຂໍ້ມູນໄດ້ຢ່າງອິດສະຫລະ, ມີຂະໜາດນ້ອຍ
ແລະ ມີຄວາມຈໍາສູງ ເປັນສ່ວນປະກອບທີ່ສຳຄັນຂອງລະບົບຄອມພິວເຕີ ແລະ ຖືໄດ້ວ່າເປັນພື້ນຖານຂອງລະບົບເພາະປຽບໄດ້ກັບສາງເກັບຂໍ້ມູນທັງຫມົດຂອງລະບົບ.
1.ຊະນິດຂອງຮາດດິສ
1.1. ຮາດດິສແບບ SATA
Hard
Disk ແບບ SATA ໄດ້ຮັບຄວາມນິຍົມມາໄດ້ຊ່ວງໄລຍະຫນຶ່ງແລ້ວ ເນື່ອງຈາກມີຄວາມໄວໃນການເຂົ້າເຖິງຂໍ້ມູນໄວກວ່າ ແລະມີຂະຫນາດນ້ອຍກວ່າ Hard
Disk ແບບ IDE ເມື່ອທຽບໃສ່ກັບຄວາມຈຳທີ່ເທົ່າກັນ. Hard Disk ແບບ SATA ນັ້ນໄດ້ຮັບການພັດທະນາມາໄດ້ 3 ຮຸ່ນແລ້ວໂດຍເລີ່ມຈາກ SATA1,
SATA2 ແລະ SATA3 ເຊິ່ງໃນຈຳນວນນີ້ Hard
Disk ແບບ SATA1 ນັ້ນບໍ່ມີການຜະລິດແລະຈຳຫນ່າຍແລ້ວ ຍັງເຫລືອພຽງແຕ່ SATA2 ທີ່ປັດຈຸບັນຍັງໄດ້ຮັບຄວາມນິຍົມສູງ ແລະຫາຊື້ໄດ້ງ່າຍພ້ອມທັງມີລາຄາທີ່ຖືກ ເຫມາະສົມກັບທຸກວຽກງານການນຳໃຊ້.
ສ່ວນ SATA3 ນັ້ນຍັງບໍ່ທັນເປັນທີ່ນິຍົມກັນປານໃດເນື່ອງຈາກຍັງຢູ່ໃນໄລຍະເລີ່ມທົດສອບຈຳຫນ່າຍ ແລະ Mainboard ຮຸ່ນເກົ່າຍັງບໍ່ສາມາດຮອງຮັບ Hard Disk ຊະນິດນີ້ໄດ້ເທື່ອ
➥ Hard Disk ແບບ SATA1 ມີຄວາມໄວໃນການໂອນຖ່າຍຂໍ້ມູນຢູ່ທີ່ 1.5Gbit ຕໍ່ວິນາທີ (ປະມານ 150MB/s)
➥ Hard Disk ແບບ SATA2 ມີຄວາມໄວໃນການໂອນຖ່າຍຂໍ້ມູນຢູ່ທີ່ 3Gbit (ປະມານ 300MB/s) ຕໍ່ວິນາທີ.
➥ Hard Disk ແບບ SATA3 ມີຄວາມໄວໃນການໂອນຖ່າຍຂໍ້ມູນຢູ່ທີ່ 6Gbit (ປະມານ 600MB/s) ຕໍ່ວິນາທີ.
1.2. ຮາດດິສແບບ SSD
SSD ຫຍໍ້ມາຈາກ (Solid State Drive) ເປັນອຸປະກອນຫນ່ວຍຄວາມຈຳແບບໃຫມ່ທີ່ອອກແບບມາໃຫ້ສາມາດເກັບຂໍ້ມູນໄດ້ຄືກັບ Hard
Disk ທົ່ວໆໄປແຕ່ກໍແຕກຕ່າງຈາກ Hard Disk ທົ່ວໆໄປເຊັ່ນດຽວກັນ. ເນື່ອງຈາກວ່າ ຫນ່ວຍຄວາມຈຳແບບ SSD ນີ້ເປັນຄ້າຍໆ Flash Drive ແລະບໍ່ໄດ້ໃຊ້ລະບົບຈານຫມຸນແບບ Hard
Disk ທົ່ວໄປ ເຮັດໃຫ້ມັນມີຂະຫນາດທີ່ນ້ອຍ ແລະສາມາດເຂົ້າເຖິງຂໍ້ມູນໄດ້ໄວກວ່າ Hard
Disk ທົ່ວໄປຫລາຍເທົ່າໂຕ.
