ອາຊຽນ ແມ່ນຫຍັງ

ອາ​ຊ​ຽນ ແມ່ນຫຍັງ

ອາ​ຊ​ຽນ ແມ່ນ​ການ​ລວມ​ຕົວ​ກັນ​ເປັນ​ອົງ​ກອນ​ລະ​ຫວ່າງ​ປະ​ເທດ ລະດັບພາກພື້ນຂອງປະເທດທີ່ຢູ່ໃນພາກພື້ນອາຊີຕາເວັນອອກສຽງ ໃຕ້ ໂດຍລວມຕົວກັນໃນຊື່ສະມາຄົມປະຊາຊາດແຫ່ງອາຊີຕາເວັນອອກສຽງໃຕ້ (Association of South East Asian Nations) ໂດຍໃຊ້ຊື່ຫຍໍ້ວ່າ ASEAN ອ່ານອອກສຽງພາສາລາວວ່າ ອາຊຽນ ໂດຍມີຈຸດປະສົງໃນການຈັດຕັ້ງກຸ່ມອາຊຽນກໍ່ເພື່ອສົ່ງເສີມ ແລະ ຮ່ວມມືກັນໃນທຸກດ້ານ ທັງດ້ານສັນຕິພາບ, ດ້ານຄວາມໝັ້ນຄົງ, ດ້ານເສດຖະກິດ, ດ້ານການກະຈາຍອົງກອນຄວາມຮູ້ ແລະ ດ້ານສັງຄົມວັດທະນາທຳ ເທິງພື້ນຖານຄວາມເທົ່າທຽມກັນ ແລະ ຜົນປະໂຫຍດຮ່ວມກັນຂອງປະເທດສະມາຊິກທຸກປະເທດ.

    ອາຊຽນ (ASEAN) ຫຼື ສະມາຄົມປະຊາຊາດແຫ່ງອາຊີຕາເວັນອອກສຽງໃຕ້ (Association of Southeast Asian Nation) ສ້າງຕັ້ງເມື່ອວັນທີ 8 ສິງຫາ 1967 ຫຼັງຈາກການລົງນາມຂອງປະເທດສະມາຊິກຜູ້ຮ່ວມກໍ່ຕັ້ງຢູ່ ກຸງເທບ ປະເທດໄທ ໂດຍມີສະມາຊິກຜູ້ຮ່ວມກໍ່ຕັ້ງ 5 ປະເທດຄືື: ໄທ, ສິງກະໂປ, ອິນໂດເນເຊຍ ແລະ ຟິລິບປິນ.

    ປະຈຸບັນ​ສະມາຊິກ​ອາ​ຊຽນ​ມີ​ 10 ປະເທດ ​ ມີ​ເປົ້າ​ໝາຍ​ວ່າ​ ຈະ​ເຂົ້າ​ສູ່​ຄວາມ​ເປັນ​ປະ​ຊາຄົມອາ​ຊຽນ​

8 ສິງ​ຫາ​ ພ.​ສ.​ 2510 : ໄທ​ ອິນ​ໂດ​ນີ​ເຊຍ​ ມາ​ເລ​ເຊຍ​ ຟິ​ລິບ​ປິນ​​ ແລະ​ ສິງ​ກະໂປ​ ຮ່ວມ​ກໍ່​ຕັ້ງ​ອາ​ຊຽນ​

   ປະ​ຊາຄົມ​ອາ​ຊຽນ​ປຽບ​ກັບ​ການ​ເ​ປັ​ນຄອບຄົວດຽວ​ກັນ​ຂອງ​ປະເທດ​ສະມາຊິກອາຊຽນ ກໍ່ຕັ້ງຂຶ້ນ​ຢ່າງ​ເປັນ​ທາງ​ການ​ເມື່ອ​ ເດືອນ ​ຕຸລາ​ ພ.​ສ.​ 2546 ພ້ອມ​ກັບ​ມີ​ການ​ຮ່ວມ​ລົງ​ນາມ​ໃນ​ປະຕິ​ຍານ ໃຫ້ເປັນ​ປະ​ຊາຄົມ​ດຽວ​ກັນ​ໃຫ້​ສຳ​ເລັດ​ພາຍ​ໃນ​  ພ.​ສ.​ 2558 (ຄ.​ສ.​ 2015) ພ້ອມ​ກັບ​ມີ​ການ​ແບ່ງ​ປະ​ຊາຄົມຍ່ອຍ​ອອກ​ເປັນ​  3 ປະ​ຊາຄົມ​ຫຼັກ​ ໄດ້​ແກ່​:

1. ປະ​ຊາຄົມ​ການ​ເມືອງ​ ແລະ ​ຄວາມຫມັ້ນຄົງ​ອາ​ຊຽນ​ (ASEAN Political and Security Community – APSC)
2. ປະ​ຊາຄົມ​ເສດຖະກິດ​ອາ​ຊຽນ​ (AEAN Economics Community – AEC)
3. ປະ​ຊາຄົມ​ສັງຄົມ ​ແລະ ​ວັດທະນະທຳ​ອາ​ຊຽນ​ (ASEAN Socio-Cultural Community – ASCC)

ປະ​ຊາຄົມ​ເສດຖະກິດ​ອາ​ຊຽນ​ (ASEAN Economic Community : AEC)

    AEC ຫລື​ ASEAN Economic Community ປະ​ຊາຄົມ​ເສດຖະກິດ​ອາ​ຊຽນ​ ເປັນ​ເປົ້າ​ໝາຍ​ທັງຫມົດ​​ຂອງ​ການລວມຕົວປະເທດ​ສະມາຊິກ​ອາ​ຊຽນ ​ເພື່ອ​ເພີ່ມ​ອຳນາດ​ຕໍ່​ຮອງ​ກັບ​ ຄູ່​ຄ້າ​ ແລະ ​ເພີ່ມ​ຂີດ​ຄວາມ​ສາມາດ​ການ​ແຂ່ງ​ຂັນ​ທາງ​ດ້ານ​ເສດຖະກິດ​ລະ​ດັບ​ໂລກ​ ລວມ​ເຖິງ​ ມີ​ການ​ຍົກ​ເວັ້ນ​ພາ​ສີ​ສິນ​ຄ້າ​ບາງ​ຊະນິດ​ໃຫ້​ກັບ​ປະເທດ​ສະມາຊິກ​ ສົ່ງ​ເສີມ​ໃຫ້​ພູມພາກ​ມີ​ຄວາມ​ຈະເລີນ​ມັ່ງ​ຄັ່ງ​ ຫມັ້ນຄົງ​ ປະຊາຊົນ​ຢູ່​ດີ​ກິນ​ດີ​

    ໂດຍ​ໃນ​ການ​ປະ​ຊຸມ​ສຸດ​ຍອດ​ອາ​ຊຽນ​ ASEAN Summit ເທື່ອ​ທີ່​ 8 ເມື່ອ​ 4 ພ​ະຈິກ​ ພ.​ສ.​ 2545 ນະ​ ນະຄອນຫລວງພະນົມເປັນ ປະເທດກໍາປູເຈຍ ທີ່​ໄດ້​ເຫັນ​ດີໃຫ້​ອາ​ຊຽນ​ກຳນົດ​ທິດ​ທາງ​ ໄດ້​ມີ​ການ​ດຳ​ເນີນ​ງານ​ທີ່​ຊັດເຈນ ​ເພື່ອ​ນຳ​ໄປ​ສູ່​ເປົ້າ​ໝາຍ​ທີ່​ຊັດເຈນ​ ໄດ້​ແກ່​ການ​ເປັນ​ປະ​ຊາຄົ​ມ​ເສດຖະກິດ​ອາ​ຊຽນ​ ໂດຍ​ຈະ​ມີຕະຫ​ລາດ ​ແລະ ​ຖານ​ການ​ຜະລິດ​ຮ່ວມ​ກັນ​ ແລະ​ ຈະ​ມີ​ການ​ເຄື່ອນ​ຍ້າຍ​ສິນ​ຄ້າ​ ບໍລິການ​ ການ​ລົງ​ທຶນ​ ເງີນທຶນ​ ແລະ ​ແຮງ​ງານ​ມີ​ຝີ​ມື​ຢ່າງ​ເສ​ລີ ສຳລັບ​ການຕັ້ງ​ປະ​ຊາຄົມ​ເສດຖະກິດ​ອາ​ຊຽນ​ໄດ້​ກຳນົດ​ໃຫ້​ ສຳ​ເລັດ​ພາຍ​ໃນ​ປີ​ ພ.​ສ.​ 2558 (ຄ.​ສ.​ 2015)

ເປົ້າ​ໝາຍ​ສຳຄັນ​ຂອງ​ ປະ​ຊາຄົ​ມ​ເສດຖະກິດ​ອາ​ຊຽນ​ ຫລື​ AEC ມີ​ 4 ດ້ານ​ ຄື​:

1. ເປັນ​ຕະຫ​ລາດ​ ແລະ ​ຖານ​ການ​ຜະລິດ​ຮ່ວມ​ກັນ​
2. ສ້າງ​ຂີດ​ຄວາມ​ສາ​ມາດທາງ​ເສດຖະກິດ​
3. ສ້າງ​ຄວາມ​ເທົ່າ​ທຽມ​ໃນ​ການ​ພັດທະນາ​ທາງ​ເສດຖະກິດ​
4. ການ​ເຊື່ອມໂຍງການ​ເຂົ້າ​ກັບ​ເສດຖະກິດ​ໂລກ​

ຂໍ້ມູນອື່ນໆ ທີ່ໜ້າສົນໃຈ ກ່ຽວກັບ ASEAN

_____________________________

ວັນກໍ່ຕັ້ງ : 8 ສິງ​ຫາ​ ພ.​ສ.​ 2510
ວັນອາ​ຊຽນ​ : 8 ສິງ​ຫາ
ທີ່​ຕັ້ງ​ສຳ​ນັກ​ງານ​ເລ​ຂາ​ທິ​ການ​ອາ​ຊຽນ​ : ກຸງ​ຈາ​ກາ​​ຕາ​ ອິນ​ໂດ​ນີ​ເຊຍ​

ຄຳຂວັນອາຊຽນ: ໜື່ງວິໄສທັດ ໜື່ງເອກະລັກ ໜື່ງປະຊາຄົມ (One Vision One Identity One Community)
ປະ​ທານ​ອາ​ຊຽນ​ : ມຽນ​ມາ​ (2557)
ເລ​ຂາ​ທິ​ການ​ອາ​ຊຽນ​ : ທ່ານ ​ເລ​ ເລືອງ​ ມິນ​ (Le Luong Minh)  ຈາກ​ວຽດ​ນາມ​ (2556 -2560)
ພື້ນ​ທີ່​ໃນ​ອາ​ຊຽນ​ : 4,464,322 ​ຕາລາງກິໂລແມັດ
ປະຊາກອນ​ອາ​ຊຽນ​ : 600.18 ລ້ານ​ຄົນ​
ເພງ​ປະຈຳ​ອາ​ຊຽນ​ : The ASEAN Way
ພາ​ສາກ​າງ​ : ອັງ​ກິດ
ລາຍ​ໄດ້​ສະເລ່ຍ​ຕໍ່​ຫົວ​ຂອງ​ປະຊາຊົນ​ອາ​ຊຽນ​ : 3870 ໂດລາສະຫະລັດຕໍ່ຄົນ ຕໍ່​ປີ​
ປະເທດ​ຄູ່​ເຈລະ​ຈາ​ : ຈີນ​ ຍີ່​ປຸ່ນ​ ເກົາ​ຫຼີ​ໃຕ້​ ອິນ​ເດຍ​ ອົດສະເຕ​ເລຍ​  ນິວ​ຊີ​ແລນ​ ສະຫະລັດອາເມລິກາ​ ລັດ​ເຊຍ​ ແຄ​ນາ​ດາ​ ແລະ​ 1 ກຸ່ມ​ ຄື​ ສ​ະຫະພາບຍຸໂຣບ
ຊັບພະ​ຍາກ​ອນ​ທຳມະຊາດ​ : ນໍ້າມັນ​ ກ໊າ​ສທຳມະຊາດ​ ປ່າ​ໄມ້​
ສິນ​ຄ້າ​ສົ່ງ​ອອກ​ສຳຄັນ​ : ນໍ້າມັນ​ ແລະ ​ກ໊າ​ສ​ທຳມະຊາດ​ ອິ​ນອຍ​ທໍ​ນິກ​ສ໌​
ຕ​ະຫລາດ​ສົ່ງ​ອອກ​ສຳຄັນ​ : ຍີ່​ປຸ່ນ​ ຈີນ​ ສ​ະຫ​ະພາບ​ຍຸ​ໂຣບ​ ສ​ະຫະລັດອາ​ເມ​ຣິ​ກາ​
ສິນ​ຄ້າ​ນຳ​ເຂົ້າ​ສຳຄັນ​ : ນໍ້າມັນ​ ແລະ ​ກ໊າ​ສ​ທຳມະຊາດ​ ອິ​ນອຍ​ທໍນິກ​ສ໌​
ຕ​ະຫລາດ​ນຳ​ເຂົ້າ​ສຳຄັນ​ : ສະ​ຫະລັດ​ອາ​ເມ​ຣິ​ກາ​ ສະ​ຫະ​ພາບ​ຍຸ​ໂຣບ​ ຍີ່​ປຸ່ນ​ ຈີນ​.