ບິດາຂອງຄອມພິວເຕີ

ບິດາຂອງຄອມພິວເຕີ (Charles Babbage: 1792 - 1871)

  ສຳລັບ​ຜູ້​ບຸກ​ເບີກ​ສ້າງ​ຄອມພິວເຕີ​ກໍ​ຄື: ​ ຊາ​ລສ໌​ ແບບ​ເບຈ​ (Charles Babbage) ທ່ານ​ເປັນ​ນັກ​ຄ​ະນິດ​ສາດ​ ນັກ​ປັດຊະຍາ​ວິ​ເຄາະ​ ແລະ​ ເປັນ​ນັກ​ວິທະຍາ​ສາດ​ຄອມພິວເຕີ​ ເນື່ອງ​ຈາກ​ທ່ານ​ເປັນ​ຄົນທໍາອິດ​ທີ່​ມີ​ແນວ​ຄິດ​ເລື່ອງ​ເຄື່ອງ​ຄິດໄລ່​ທີ່​ສາມາດ​ສ້າງ​ໂປຣ​ແກຣມ  ​ຫລື ​ສັ່ງ​ໃຫ້​ເຮັດວຽກ​ໄດ້​ ຊຶ່ງ​ມີ​ລັກສະນະ​ໃກ້​ຄຽງ​ກັບ​ສ່ວນ​ປະກອບ​ຂອງ​ລະບົບ​ຄອມພິວເຕີ​ໃນ​ປະຈຸບັນ​ ເຖິງແມ່ນວ່າ​ທ່ານ​ຈະ​ເສຍຊີວິດ​ກ່ອນທີ່ຈະ​ໄດ້​ເຫັນ​ເຄື່ອງ​ໃນ​ຈິນ​ຕ​ະນາ​ການ​ຂອງ​ທ່ານ​ສຳເລັດ​ສົມບູນ​ ແຕ່​ທ່ານ​ກໍ​ໄດ້​ພິສູດ​ໃຫ້​ເຫັນ​ແລ້ວ​ວ່າ​ເຄື່ອງ​ຈັກ​​ຈາກ​ແນວ​ຄິດ​ຂອງ​ທ່ານ​ສາມາດ​ເຮັດວຽກ​ໄດ້​ຈິງ

  ຊາ​ລສ໌ ​ ແບບ​ເບຈ​ ເກີດ​ເມື່ອ​ວັນທີ​ 26 ທັນວາ​ ຄ.​ສ.​ 1791 (ພ.​ສ.​ 2334) ໃ​ນຖານະຄອບຄົວຂອງ​ນາຍ​ທ​ະນາ​ຄານ ​ ແລະ ​ເຕີບໂຕ​ມາ​ໃນ​ຍຸກ​ທີ່​ອັງ​ກິດ​ເປັນ​ປະເທດ​ທີ່​ມີ​ອຳນາດ​ ແລະ​ ກຳ​ລັງ​ຢູ່ໃນ​ຊ່ວງ​ການ​ປະຕິວັດ​ອຸດສາຫະກຳ​ ໂດຍ​ລັດຖະບານ​ໃຫ້​ການ​ສະໜັບ​ສະໜູນ​ທຶນ​ພັດທະນາ​ໃນ​ສາ​ຂາ​ຕ່າງ​ໆ​ ຢ່າງ​ເຕັມ​ທີ່​ ແບບ​ເບຈ​ສຶກ​ສາ​ລະ​ດັບ​ມະຫາ​ວິທະຍາ​ໄລ ​ທີ່​ ທຣິ​ນິ​ຕີ້​ ຄອລ​ເລຈ​ ມະຫາ​ວິທະຍາ​ລັຍ​ເຄມ​ບ​ຣິດ​ຈ໌​ ທີ່​ຄະນະ​ຄ​ະນິດ​ສາດ​ (Mathematical Laboratory) ພໍ​ຮຽນ​ຈົບ​ ແບບ​ເບຈ ກໍ​ຕັດ​ສິນ​ໃຈ​ເປັນ​ອາຈານ​ຕໍ່​ທີ່ຄະ​ນະ​ ໃນ​ປີ​ ຄ.​ສ.​ 1814 (ພ.​ສ.​ 2357) ແລະ ​ໄດ້​ແຕ່ງງານກັບ ຈໍ​ຣ໌​ເຈຍ​ນາ​ ວິທມໍ​ຣ໌​ ນັກ​ຄະ​ນິດ​ສາດ​ຍິງຄົນ​ເກັ່ງ​ຄົນ​ໜຶ່ງ​ໃນ​ຍຸກ​ນັ້ນ​

   ຫຼັງ​ຈາກ​ນັ້ນ​ແບບ​ເບຈ​ກໍ​ຫັນ​ມາ​ອອກ​ແບບ​ເຄື່ອງ​ວິ​ເຄາະ​ (Babbage's Analytical Engine) ໂດຍ​ເຄື່ອງ​ນີ້​ປະກອບ​ດ້ວຍ​ "ຫນ່ວຍ​ຄວາມ​ຈຳ​" ຊຶ່ງ​ກໍ​ຄື​ ແຂ້ວ​ເຟືອງ​ສຳລັບ​ນັບ​ "ຫນ່ວຍ​ຄິດໄລ່​" ທີ່​ສາມາດ​ບວກ​ລົບ​ຄູນ​ຫານ​ໄດ້​ "ບັດ​​ປະຕິບັດ​" ຄ້າຍ​ໆ​ ບັດ​​ເຈາະ​ຮູ​ໃຊ້​ເປັນ​ຕົວ​ເລືອ​ກວ່າ​ຈະ​ຄິດໄລ່​ຫຍັງ​ "ບັດ​​ຕົວ​ແປ​" ໃຊ້​ເລືອ​ກວ່າ​ຈະ​ໃຊ້​ຂໍ້​ມູນ​ຈາກ​ຫນ່ວຍ​ຄວາມ​ຈຳ​ໃດ​ ແລະ​ "ສ່ວນ​ສະແດງ​ຜົນ​" ຊຶ່ງ​ກໍ​ຄື​ "ເຄື່ອງ​ພິມ​ ຫລື​ ເຄື່ອງ​ເຈາະ​ບັດ​​" ແຕ່​ບຸກ​ຄົນ​ທີ່​ນຳ​ແນວ​ຄິດ​ຂອງ​ແບບ​ເບຈ​ມາ​ສ້າງ​ເຄື່ອງ​ວິ​ເຄາະ ​ (Analytical Engine) ກໍ​ຄື​ ລູກ​ຊາຍ​ຂອງ​ແບບ​ເບຈ​ຊື່ວ່າ:​ ເຮນ​ຣີ່​ (Henry) ໃນ​ປີ​ 1910

ຢ່າງໃດ​ກໍ​ຕາມ​ຄວາມ​ຄິດ​ຂອງ​ແບບ​ເບຈ​ ກ່ຽວກັບ​ເຄື່ອງ​ຜົນ​ຕ່າງ​ ແລະ ​ເຄື່ອງ​ວິ​ເຄາະ​ ເປັນ​ປະໂຫຍດ​ຕໍ່ວົ​ງ​ການ​ຄອມພິວເຕີ​ໃນ​ຍຸກ​ຕໍ່​ມາ​ຫລາຍ​ ຈຶ່ງ​ໄດ້ຮັບ​ສາ​ຍາ​ວ່າ​ "ບິດາ​ຂອງຄອມພິວເຕີ​" ເນື່ອງ​ຈາກ​ປະກອບ​ດ້ວຍ​ສ່ວນ​ສຳຄັນ​ 4 ສ່ວນ​ ຄື​:

 1. ສ່ວນ​ເກັບ​ຂໍ້​ມູນ​ ເປັນ​ສ່ວນ​ທີ່​ໃຊ້​ໃນ​ການ​ເກັບ​ຂໍ້​ມູນ​ນຳ​ເຂົ້າ​ ແລະ ​ຜົນ​ລັບ​ທີ່​ໄດ້​ຈາກ​ການ​ຄິດໄລ່​

 2. ສ່ວນ​ປະ​ມວນ​ຜົນ​ ເປັນ​ສ່ວນ​ທີ່​ໃຊ້​ໃນ​ການ​ປະ​ມວນ​ຜົນ​ທາງ​ຄະ​ນິດ​ສາດ​

 3. ສ່ວນ​ຄວບ​ຄຸມ​ ເປັນ​ສ່ວນ​ທີ່​ໃຊ້​ໃນ​ການ​ເຄື່ອນ​ຍ້າຍ​ຂໍ້​ມູນ​ລະຫວ່າງ​ສ່ວນ​ເກັບ​ຂໍ້​ມູນ​ ແລະ ​ສ່ວນ​ປະ​ມວນ​ຜົນ​

 4. ສ່ວນ​ຮັບ​ຂໍ້​ມູນ​ເຂົ້າ​ ແລະ​ ສະແດງ​ຜົນ​ລັບ​ ເປັນ​ສ່ວນ​ທີ່​ໃຊ້​ຮັບ​ຂໍ້​ມູນ​ຈາກ​ພາຍນອກ​ເຄື່ອງ​ເຂົ້າ​ສູ່​ສ່ວນ​ເກັບ​ຂໍ້​ມູນ​ ແລະ​ ສະແດງ​ຜົນ​ລັບ​ທີ່​ໄດ້​ຈາກ​ການ​ຄິດໄລ່​ເຮັດໃຫ້​ເຄື່ອງ​ວິ​ເຄາະ​ນີ້​ ມີ​ລັກສະນະ​ໃກ້​ຄຽງ​ກັບ​ສ່ວນ​ປະກອບ​ຂອງ​ລະບົບ​ຄອມພິວເຕີ​ໃນ​ປະຈຸບັນ​