Malware
ແມ່ນຫຍັງ
ມັນແວ (Malware) ຫຍໍ້ມາຈາກຄໍາວ່າ: Malicious Software ໂດຍເຮົາຈະອະທິບາຍຄຳວ່າ: ມັນແວວ່າ: ຄື ໂປຣແກຣມທີ່ຖືກສ້າງຂຶ້ນມາເພື່ອປະສົງຮ້າຍຕໍ່ເຄື່ອງຄອມພິວເຕີ
ແລະ ເພື່ອມາດອກລວງເອົາຂໍ້ມູນສຳຄັນໄປຈາກຜູ້ໃຊ້ງານຄອມພິວເຕີ ໂດຍມັນແວຣ໌ທີ່ເຮົາຮູ້ຈັກກັນດີກໍມີຄື: ໄວຣັສ
(Virus), ວອມ (Worm)
ໂທຣຈັນ (Trojan Horse),
ສປາຍແວຣ໌ (Spyware),
ຄີລ໊ອກເກີ (Key Logger),
ຄຸ້ກກີ້ (Cookie) ແລະ ການ Malicious
Mobile Code (MMC) ທີ່ອາໄສຊ່ອງໂຫວ່ຂອງໂປຣແກຣມບຣາວເຊີຣ໌
ສ່ວນໃຫຍ່ຈະໃຊ້ວິທີການລັກລອບເຂົ້າມາສູ່ຄອມພິວເຕີ
ຫລື ລະບົບເຄືອຂ່າຍຂອງເຮົາ ໂດຍການແຝງຕົວມາກັບໂປຣແກຣມການໃຊ້ງານ Application
software) ຕ່າງໆ ເຊັ່ນ: ມາກັບແຜ່ນ CD ເຖື່ອນ: ມາກັບໄຟລ໌ທີ່ດາວນ໌ໂຫຼດຜ່ານອິນເຕີເນັດ, ມາກັບລະບົບແຊດໃນ Social media ຕ່າງໆ ຫລື ຈົນກະທັ່ງ ມາກັບ Apps ໃນມືຖືແບບສະມາດໂຟນ ໂດຍ Malware ມີທັງຊະນິດທີ່ເຂົ້າມາຝັງໃນເຄື່ອງເຄື່ອງດຽວ ແລະ ແບບທີ່ສາມາດກະຈາຍຕົວເອງອອກໄປຍັງຜູ້ອື່ນໄດ້ເອງ ໂດຍອາໄສຂໍ້ມູນສ່ວນຕົວຂອງເຮົາທີ່ມັນໂຈລະກໍາໄປຈາກເຄື່ອງຂອງເຮົາເອງ
ມັນແວ (Malware)
ມີຫລາຍຊະນິດ ເຊິ່ງເຮົາສາມາດແບ່ງອອກໄດ້ເປັນ 11 ຊະນິດດັ່ງນີ້:
1. ໄວຣັສ (Virus) ເປັນໂປຣແກຣມທີ່ຕິດຕໍ່ຈາກໄຟລ໌ໜຶ່ງໄປສູ່ອີກໄຟລ໌ໜຶ່ງໄດ້ ແລະ ສາມາດສົ່ງຜ່ານໄຟລ໌ດ້ວຍການແນບໄວຣັສໄປກັບໄຟລ໌ທີ່ເຮົາສົ່ງໄປຍັງເຄື່ອງຄອມພິວເຕີອີກເຄື່ອງໜຶ່ງໄດ້ ໂດຍໄວຣັສຈະກໍ່ການທຳລາຍຮາດແວ ແລະ ຊອບແວໃນເຄື່ອງ ພ້ອມກັບໄຟລ໌ທີ່ໄວຣັສແຝງຕົວເອງເພື່ອແຜ່ກະຈາຍໄປສູ່ເຄື່ອງອື່ນໆດ້ວຍ
2. ວອມ (Worm) ສາມາດທີ່ຈະແຜ່ຂະຫຍາຍຕົວເອງໂດຍທີ່ບໍ່ຕ້ອງມີໂປຣແກຣມອື່ນໃນການແຜ່ກະຈາຍກໍໄດ້ເຊັ່ນກັນ ເປົ້າໝາຍຂອງວອມຈະຈ້ອງທຳລາຍລະບົບເຄືອຂ່າຍ ແລະ ຂະຫຍາຍການແຜ່ກະຈາຍໄປຍັງຄອມພິວເຕີເຄື່ອງອື່ນໆ ໂດຍການສົ່ງອີເມລ໌ ຫລື ຊ່ອງໂຫວ່ຂອງລະບົບປະຕິບັດການ
3. ໂທຈັນ (Trojan Horse) ເປົ້າໝາຍຂອງມັນແວຕົວນີ້ ຈະຄ່ອຍຈ້ອງທຳລາຍລະບົບ ແລະ ເປີດຊ່ອງໂຫວ່ໃຫ້ກັບຜູ້ບໍ່ຫວັງດີເຂົ້າມາທຳລາຍລະບົບ ແລະ ຄວບຄຸມຈາກໄລຍະໄກ ແລະ ບໍ່ແຜ່ກະຈາຍໄປຍັງໄຟລ໌ອື່ນໆ
4. ສະປາຍແວ (Spyware) ຈະບໍ່ແຜ່ກະຈາຍໄປຍັງໄຟລ໌ອື່ນໆ ຄືກັບໂທຈັນ ໂດຍເປົ້າໝາຍຂອງສະປາຍແວນັ້ນ ແອບເບິ່ງທີ່ຈະລົບກວນ ແລະ ລະເມີດຄວາມເປັນສ່ວນຕົວຂອງຜູ້ໃຊ້.
5. Hybrid Malware/Blended Threats ເປັນມັນແວທີ່ອັນຕະລາຍຫລາຍເພາະທັງຫມົດຄວາມສາມາດຂອງ ໄວຣັສ ວອມ ໂທຈັນ ສະປາຍແວໄວ້ນຳກັນ
6. Phishing ເປັນມັນແວທີ່ແອບເບິ່ງເພື່ອຈະລັກເອົາຂໍ້ມູນທາງການເງີນເຊັ່ນ: ບັດເຄດິດ ຫລື ພວກ Online bank account
7.
Adware ຄຳນີ້ອາດຈະເຄີຍໄດ້ຍິນເລື້ອຍໆ Adware ເປັນມັນແວປະເພດໜຶ່ງ ເມື່ອຕິດຕັ້ງແລ້ວ ມັກຈະມີໂຄສະນາຢູ່ໃນຕົວໂປຣແກຣມເລີຍ ຫລື ບາງເທື່ອກໍເອີ້ນເປີດໜ້າເວັບເພື່ອປ໊ອບອັບຂຶ້ນມາໂດຍອັດຕະໂນມັດ (ບໍ່ຕ້ອງຄລິກ) ສ່ວນໃຫຍ່ໂປຣແກຣມເຫຼົ່ານີ້ຈະຟຣີ!! (ແລະ ແຖມໂຄສະນາມານໍາ)
8.
Bot ຄືຊອບແວທີ່ສ້າງຂຶ້ນມາເພື່ອເຮັດວຽກໃດງານໜຶ່ງແບບອັດຕະໂນມັດ
ເຮົາອາດຈະເຄີຍໄດ້ຍິນມັນໃນຊື່ Bot ເກມ ບ່ອນເຮັດວຽກຫລິ້ນເກມໃຫ້ແບບອັດໂນມັດ ແຕ່ສຳລັບ Bot ທີ່ເປັນມັນແວກໍຈະຖືກເອີ້ນຊື່ໃນແຕ່ລະກໍລະນີທີ່ຕ່າງກັນໄປ ເຊັ່ນ:
Botnets
(ເຄື່ອງທີ່ຖືກແຮກເກີຄວບຄຸມ ) ໃຊ້ມາເພື່ອການໂຈມຕີແບບ
DDoS ຫລື Spambot ເພື່ອໃຊ້ສຳລັບການສົ່ງ SPAM ເປັນຕົ້ນ.
9.
Bug ຄຳຄຸ້ນຫູຂອງໂປຣແກຣມເມີ ທີ່ເກີດມາຈາກຄວາມຜິດພາດຂອງໂປຣແກຣມເມີ
ຫລື ຈົນກະທັ່ງຄວາມຜິດພາດຂອງຜູ້ໃຊ້ງານລະບົບ ຈົນເປັນຊ່ອງໂຫວ່ໃຫ້ແຮກເກີເຂົ້າໄປໂຈມຕີລະບົບໄດ້
10.
Ransomware ມັນແວມາແຮງຊື່ຄຸ້ນຫູແຫ່ງປີສ້າງຄວາມເສຍຫາຍໃນຫຼາກຫຼາຍວົງການ
ມັນແວປະເພດນີ້ ຈະກໍ່ການເຂົ້າລະຫັດໄຟລ໌ໃຫ້ບໍ່ສາມາດເປີດໃຊ້ງານໄດ້ ຊຶ່ງຖ້າຕ້ອງການໃຫ້ສາມາດໃຊ້ງານໄດ້ອີກເທື່ອ
ຈຳເປັນຕ້ອງຈ່າຍເງີນຄ່າໄຖ່ໃຫ້ກັບເຫຼົ່າແຮກເກີເພື່ອປົດລະຫັດໄຟລ໌ເຫຼົ່ານັ້ນ
11. Rootkit ເປັນມັນແວທີ່ສາມາດຄວບຄຸມເຄື່ອງ
ຫລື
ເຂົ້າໃຊ້ເຄື່ອງທີ່ຖືກຕິດຕັ້ງໄດ້ຈາກໄລຍະໄກ ແລະ ມີຄຸນສົມບັດເດັ່ນໃນດ້ານການຫຼົບຊ່ອນ
ເຮັດໃຫ້ຈະກໍ່ການລົບ ຫລື ກວດຈັບເປັນໄປໄດ້ຍາກ
ອັນຕະລາຍຂອງ Malware ມີຄື:
1. ມັນແວຈະທຳລາຍເຄື່ອງຄອມພິວເຕີທັງຮາດແວ ແລະ ຊອບແວທັງຫມົດ ຈົນເຖິງຂໍ້ມູນໃນເຄື່ອງຄອມພິວເຕີທີ່ຕິດມັນແວໄປແລ້ວ
2. ມັນແວຈະພະຍາຍາມເຮັດໃຫ້ເຄື່ອງຄອມພິວເຕີທີ່ຕິດມັນແວເປັນຕົວກະຈາຍມັນແວສູ່ຜູ້ໃຊ້ຄົນອື່ນໂດຍການແອບໃຊ້ອີເມລ໌ເພື່ອສົ່ງໄຟລ໌ໄປຍັງຣາຍຊື່ທີ່ມີຢູ່ໃນອີເມລ໌ຂອງເຮົາ
3. ມັນແວພະຍາຍາມຈະລັກເອົາຂໍ້ມູນທີ່ເປັນຄວາມລັບ ໃຫ້ກັບຜູ້ບໍ່ປະສົງດີດ້ວຍການເປີດຊ່ອງໂຫວ່ໃຫ້ຜູ້ບໍ່ປະສົງດີເຂົ້າມາສູ່ລະບົບປະຕິບັດການໄດ້ ຫລື ບໍ່ກໍແອບສົ່ງຂໍ້ມູນຕ່າງໆ ເຫຼົ່ານີ້ຜ່ານອີເມລ໌ກໍເປັນໄປໄດ້
4. ມັນແວຈະກໍ່ຄວາມລໍາຄານໃຫ້ກັບຜູ້ໃຊ້ງານຢູ່ຕະຫລອດເວລາ.
ແຫລ່ງອ້າງອິງຈາກ:
