WWW ແມ່ນຫຍັງ
WWW ຫຍໍ້ມາຈາກຄໍາວ່າ: World Wide Web ຄື ເຄືອຂ່າຍທີ່ເຊື່ອມຕໍ່ກັນທົ່ວໂລກ ເຮົາມັກເອີ້ນຫຍໍ້ໆກັນວ່າ: ເວັບ ຄືຮູບແບບໜຶ່ງຂອງລະບົບການເຊື່ອມໂຍງເຄືອຂ່າຍຂ່າວສານ ໃຊ້ໃນການຄົ້ນຫາຂໍ້ມູນຂ່າວສານເທິງ Internet ຈາກແຫຼ່ງຂໍ້ມູນໜຶ່ງ ໄປຍັງແຫຼ່ງ ຂໍ້ມູນທີ່ຢູ່ຫ່າງໄກ ເພື່ອໃຫ້ມີຄວາມງ່າຍຕໍ່ການໃຊ້ງານຫລາຍທີ່ສຸດ WWW ຈະສະແດງຜົນຢູ່ໃນຮູບແບບຂອງເອກະສານທີ່ເອີ້ນວ່າ: ໄຣເປີຣ໌ເທັກຊ໌ (Hyper Text) ຊຶ່ງເປັນຖານຂໍ້ມູນຊະນິດໜຶ່ງທີ່ເຮັດຫນ້າທີ່ລວບລວມຂ່າວສານຂໍ້ມູນທີ່ຢູ່ກະຈັດກະຈາຍໃນທີ່ຕ່າງໆ ທົ່ວໂລກໃຫ້ສາມາດນຳມາໃຊ້ງານໄດ້ເຫມືອນຢູ່ໃນທີ່ດຽວກັນ ໂດຍໃຊ້ເວັບບຣາວເຊີຊຶ່ງເປັນໂປຣແກຣມທີ່ຊ່ວຍໃນການເບິ່ງ ຫລື ອ່ານຂໍ້ມູນເຫຼົ່ານັ້ນ ເວັບບຣາວເຊີຣ໌ທີ່ນິຍົມໃຊ້ ເຊັ່ນ: IE Microsoft Internet Explorer , Firefox , Google chrome ເປັນຕົ້ນ.
HTML ຄື ພາສາຫຼັກທີ່ໃຊ້ໃນການຂຽນເວັບເພຈ ໂດຍໃຊ້ Tag ໃນການກຳນົດການສະແດງຜົນ HTML ຫຍໍ້ມາຈາກຄຳວ່າ Hypertext Markup Language ໂດຍ Hypertext ໝາຍເຖິງ
ຂໍ້ຄວາມທີ່ເຊື່ອມຕໍ່ກັນຜ່ານ ລິງຄ໌ (Hyperlink) Markup language ໝາຍເຖິງພາສາທີ່ໃຊ້ Tag ໃນການກຳນົດການສະແດງຜົນສິ່ງຕ່າງໆ ທີ່ສະແດງຢູ່ເທິງເວັບເພຈ ດັ່ງນັ້ນ, HTML ຈຶ່ງໝາຍເຖິງ ພາສາທີ່ໃຊ້ Tag ໃນການກຳນົດການສະແດງຜົນເວັບເພຈທີ່ຕ່າງກໍເຊື່ອມເຖິງກັນໃນ Hyperspace ຜ່ານ Hyperlink ນັ້ນເອງຄວາມເປັນມາກອົງ
HTML
ປະຫວັດຄວາມເປັນມາ:
WWW ເລີ່ມສ້າງຂື້ນໃນ ປີ ພ.ສ. 2532 ໂດຍ ທິມ ເບີເນີສ໌ ລີ (Tim
Berners-Lee) ແລະ ໃຊ້ເຄື່ອງ Next ເປັນເຄື່ອງບໍລິການເວັບ (Web server) ເຄື່ອງທໍາອິດຂອງໂລກ ຜ່ານໂປຣໂຕຄອນ HTTP
ໂດຍຖືກັນວ່າ ທິມ ເບີເນີສ໌ ລີ ເປັນພໍ່ຂອງ WWW (World
Wide Web) ກໍ່ວ່າໄດ້ ຈາກຫຼາຍຄວາມຫມາຍທີ່ມີການຕີຄວາມເຖິງ
ຄວາມຫມາຍທີ່ແທ້ຈິງຂອງ WWW (World Wide Web) ນັ້ນຈະອອກມາໃນແບບວ່າ ເປັນຄອມພິວເຕີເຄື່ອງໜຶ່ງທີ່ສາມາດເຂົ້າເຖິງເນື້ອຫາພາຍໃນຂອງແຕ່ລະເຄື່ອງໄດ້
ຖ້າຕີຄວາມກໍອາດໝາຍເຖິງວ່າ WWW ເປັນອຸປະກອນທີ່ລວບລວມຂໍ້ມູນຕ່າງໆພາຍໃນອິນເຕີຣ໌ເນັດໄວ້ນຳກັນ
ຊຶ່ງປຽບໄດ້ກັບແຫຼ່ງຂໍ້ມູນຂະໜາດໃຫຍ່ ຊຶ່ງການເຂົ້າອ່ານຂໍ້ມູນຂອງ WWW ໄດ້ນັ້ນເຮົາຕ້ອງເຂົ້າອ່ານຜ່ານເວັບບຣາວເຊີຣ໌ (Browser) ໂປຣແກຣມບຣາວເຊີຣ໌ນັ້ນຈະແປໂຄ້ດຕ່າງໆ ທີ່ຢູ່ໃນ
WWW
ໃຫ້ອອກມາເປັນຕັວຫນັງສືທີ່ເຮົາເຂົ້າໃຈກັນ ແລະ ສາມາດທີ່ຈະຕອບໂຕ້ກັບໄປໄດ້ອີກດ້ວຍ.
HTML
ເປັນພາສາປະເພດ
Markup Language ທີ່ໃຊ້ໃນການສ້າງເວັບເພຈ
ມີແມ່ແບບມາຈາກພາສາ SGML (Standard Generalized Markup
Language) ທີ່ຕັດຄວາມສາມາດບາງສ່ວນອອກໄປ
ເພື່ອໃຫ້ສາມາດເຮັດຄວາມເຂົ້າໃຈແລະຮຽນຮູ້ໄດ້ງ່າຍ ປະຈຸບັນມີການພັດທະນາແລະກຳນົດມາດຕະຖານໂດຍອົງຄົ໌ກຣ
World Wide Web Consortium (W3C) ພາສາ HTML ໄດ້ຖືກພັດທະນາຂຶ້ນຢ່າງຕໍ່ເນື່ອງຕັ້ງແຕ່ HTML Level 1, HTML 2.0, HTML 3.0, HTML 3.2 ແລະ HTML 4.0 ໃນປະຈຸບັນ ທາງ W3C ໄດ້ຜັກດັນ ຮູບແບບຂອງ HTML
ແບບໃໝ່ ທີ່ເອີ້ນວ່າ:XHTML ຊຶ່ງເປັນລັກສະນະຂອງໂຄງສ້າງ XML ແບບໜຶ່ງ
ທີ່ມີຫຼັກເກນໃນການກຳນົດໂຄງສ້າງຂອງໂປຣແກຣມທີ່ມີຮູບແບບທີ່ມາດຕະຖານກວ່າ
HTML ມີໂຄງສ້າງການຂຽນໂດຍອາໄສ Tag ໃນການຄວບຄຸມການສະແດງຜົນຂອງຂໍ້ຄວາມ ຮູບພາບ ຫລື ວັດຖຸອື່ນໆ ແຕ່ລະ Tag
ອາດຈະມີສ່ວນຂະຫຍາຍທີ່ເອີ້ນວ່າ: Attribute
ສໍາລັບຈັດຮູບແບບເພິ່ມເຕີມ.
ການສ້າງເວັບເພຈ ໂດຍໃຊ້ພາສາ HTML ສາມາດເຮັດໂດຍໃຊ້ໂປຣແກຣມ Text Editor ຕ່າງໆ ເຊັ່ນ: Notepad,
Edit Plus ຫລື ຈະອາໄສໂປຣແກຣມທີ່ເປັນເຄື່ອງມືຊ່ວຍສ້າງເວັບເພຈ
ເຊັ່ນ: Microsoft FrontPage, Dream Weaver ຊຶ່ງອໍານວຍຄວາມສະດວກໃນການສ້າງໜ້າ
HTML ໃນລັກສະນະ WYSIWYG (What You See Is What You
Get).
