USB ແມ່ນຫຍັງ
USB ຄື ພອດ (Port) ຫລື ຊ່ອງທາງໃນການເຊື່ອມຕໍ່ ແລະ ສື່ສານລະຫວ່າງຄອມພິວເຕີ ກັບອຸປະກອນພາຍນອກອື່ນໆ ເຊັ່ນ: ເຄື່ອງພິມ (Printer),
ເມົາສ໌ (Mouse),
ແປ້ນພິມ (Keyboard),
ກ້ອງດິຈິຕອລ ສມາດທ໌ໂຟນ ແລະ ແທບເລັດ, ແອຣ໌ກາດ
(Aircard), ໂມເດັມ (Modem), ເຄື່ອງສະແກນ (Scanner)
ຊະນິດຕ່າງໆ ທັງໝົດ ຈົນໄປເຖິງອຸປະກອນ ແລະ ເຄື່ອງມືເຄື່ອງຈັກທັນສະໄໝໃໝ່ເກືອບທຸກຊະນິດ
ຈຶ່ງຖືໄດ້ວ່າ USB
port ຄື ຊ່ອງທາງການສື່ສານລະຫວ່າງຄອມພິວເຕີ ກັບ ອຸປະກອນພາຍນອກທີ່ສຳຄັນທີ່ສຸດ
ແລະ ໄດ້ຮັບຄວາມນິຍົມສູງທີ່ສຸດ
USB (ອ່ານວ່າ: ຍູເອດບີ) ຫຍໍ້ມາຈາກຄໍາວ່າ: Universal
Serial Bus
ຊຶ່ງເປັນຂໍ້ກຳນົດມາດຕະຖານຂອງບັດການສື່ສານແບບອນຸກົມ
ເພື່ໃຊ້ໃນການເຊື່ອມຕໍ່ກັບອຸປະກອນ ຊຶ່ງໂດຍທົ່ວໄປແລ້ວຈະໃຊ້ກັບຄອມພິວເຕີ
ແຕ່ກໍສາມາດໃຊ້ໄດ້ກັບອຸປະກອນອື່ນໄດ້ ເຊັ່ນ: ເຊດທອບບອກຊ໌ (set-top
boxes), ເຄື່ອງຫລິ້ນເກມ (game consoles) ແລະ ພີດີເອ (PDAs). USB
ຖືກພັດທະນາຂຶ້ນມາຕັ້ງແຕ່ ປີ ຄ.ສ. 1996 ແລະ ເລີ່ມມີການນຳອອກມາໃຊ້ໃນເຊີງພານິດ ຕັ້ງແຕ່ລຸ້ນ
USB
1.1 ຊຶ່ງຕໍ່ມາໄດ້ມີການພັດທະນາໃຫ້ມີຄວາມໄວສູງຂຶ້ນ ໂດຍປ່ຽນເວີຣ໌ຊັ່ນເປັນ
USB
2.0 ແລະ 3.0 ຕາມລຳດັບ ໂດຍຄວາມໄວໃນການຮັບສົ່ງຂໍ້ມູນທີ່ສູງຂຶ້ນດັ່ງນີ້:
↪ USB
1.1 ມີຄວາມໄວໃນການຮັບສົ່ງຂໍ້ມູນ 12 Mbps
↪ USB
2.0 ມີຄວາມໄວໃນການຮັບສົ່ງຂໍ້ມູນ 480 Mbps ສູງກວ່າ USB 1.1 40 ເທົ່າ
↪ USB
3.0 ມີຄວາມໄວໃນການຮັບສົ່ງຂໍ້ມູນ 5 Gbps ສູງກວ່າ USB 2.0 10 ເທົ່າ
ຂໍ້ດີຂອງພອດ USB
- ເປັນ Hot Plug ແລະ Plug & Play ports ໝາຍເຖິງສາມາດຕໍ່ພ່ວງອຸປະກອນແລ້ວໃຊ້ງານໄດ້ທັນທີ ບໍ່ຕ້ອງປິດ-ເປີດເຄື່ອງໃໝ່
- ສາມາດຕໍ່ພ່ວງອຸປະກອນພາຍນອກໄດ້ເຖິງ 127 ອັນ ຕໍ່ຄອມພິວເຕີໜຶ່ງເຄື່ອງ
- ສາມາດຕໍ່ພົ່ງອຸປະກອນສະໄໝໃໝ່ໄດ້ເກືອບທຸກຊະນິດ ໂດຍບໍ່ຕ້ອງປັບແຕ່ງຄ່າຫຍັງຂອງພອດ USB ເລີຍ
- ສາມາດຈ່າຍໄຟໃຫ້ອຸປະກອນຂະໜາດ 5V (USB 2.0) ແລະ 10V (USB 3.0) ໃຫ້ກັບອຸປະກອນຕ່າງໆໄດ້ ເຮົາຈຶ່ງສາມາດຊາດໄຟໃຫ້ກັບສະມາດທ໌ໂຟນ ແລະ ແທບເລັດຜ່ານ USB Port ຂອງເຄື່ອງຄອມພິວເຕີໄດ້
- ຊ່ອງມີຂະໜາດສະເພາະ ບໍ່ຕ້ອງກັງວົນການສຽບຜິດພອດ ຫລື ຜິດເບື້ອງ
- ຮອງຮັບການສົ່ງສັນຍານຜ່ານສາຍເຄເບີນໄດ້ເຖິງ 5 ແມັດ
- ສາມາດກຳນົດຄ່າຕຳແໜ່ງແອດເດສຂອງອຸປະກອນຕ່າງໆ ໄດ້ໂດຍອັດຕະໂນມັດ.
