Virus Computer ແມ່ນຫຍັງ
ໄວຣັສຄອມພິວເຕີ (Computer Virus) ຄື ໂປຣແກຣມ ຫລື ຊອບແວ ຫລື
ຊຸດຄຳສັ່ງຄອມພິວເຕີຊະນິດໜຶ່ງ ທີ່ຖືກພັດທະນາຂຶ້ນມາດ້ວຍວັດຖຸປະສົງຮ້າຍ
ສ້າງບັນຫາ ແລະ ກໍ່ໃຫ້ເກີດຄວາມເສຍຫາຍຕ່າງໆ ໃຫ້ກັບເຄື່ອງຄອມພິວເຕີ ໂດຍທີ່ໄວຣັສຄອມພິວເຕີສາມາດສ້າງບັນຫາໄດ້ຕັ້ງແຕ່ການກໍ່ກວນ
ໄປຈົນເຖິງທຳລາຍຄອມພິວເຕີ ແລະ ລະບົບເຄືອຂ່າຍໄດ້
ໄວຣັສຄອມພິວເຕີມີຄວາມສາມາດໃນການ
Copy
ຕົວເອງ ເພື່ອການແຜ່ກະຈາຍຕົວເອງໄປຍັງເຄື່ອງຄອມພິວເຕີເຄື່ອງອື່ນໆ ໂດຍທີ່ໄວຣັສຄອມພິວເຕີນັ້ນ ສາມາດແຜ່ກະຈາຍໄດ້ຫຼາຍຊ່ອງທາງ
ເຊັ່ນ:
ຝັງຕົວເອງມາກັບໄຟລ໌ຂໍ້ມູນທີ່ແຈກຈ່າຍກັນ ແຜ່ກະຈາຍຜ່ານອີເມລ໌
ແຜ່ນບັນທຶກຂໍ້ມູນປະເພດຕ່າງໆ ແຕ່ໃນປະຈຸບັນ ໄວຣັສຄອມພິວເຕີນັ້ນ ສາມາດແຜ່ກະຈາຍໄດ້ຢ່າງວ່ອງໄວ ໂດຍອາໄສເຄືອຂ່າຍອິນເຕີເນັດ
ໄວຣັສຄອມພິວເຕີບາງຊະນິດ
ເມື່ອຕິດເຂົ້າກັບຄອມພິວເຕີເຄື່ອງໃດ ອາດຈະເກັບຕົວໄວ້ໂດຍບໍ່ສະແດງອາການໃດໆ
ແຕ່ເມື່ອເຖິງເວລາທີ່ກຳນົດໄວ້ໃນໂປຣແກຣມ ກໍຈະສະແດງອາການທັນທີ ເຊັ່ນ: ການລົບຂໍ້ມູນ, ການລັກຂໍ້ມູນ, ການສົ່ງຂໍ້ມູນຈຳນວນຫລາຍອອກໄປຍັງຄອມພິວເຕີປາຍທາງ
ເຮັດໃຫ້ເຄື່ອງປາຍທາງຫລົ່ມ ບໍ່ສາມາດເຮັດວຽກໄດ້ ໄວຣັສຄອມພິວເຕີຈຳພວກນີ້ເຮົາເອີ້ນວ່າ: ລະເບີດ ຫລື ລະເບີດເວລາ (Bomb) ນັ່ງເອງ.
ປະເພດຂອງໄວຣັສຄອມພິວເຕີ
- ບູດເຊກເຕີຣ໌ ໄວຣັສ (Boot sector viruses)
- ໂປຣແກຣມ ໄວຣັສ (Program viruses)
- ມ້າໂທຣຈັນ (Trojan horse)
- ໂພລີມໍຟິກ ໄວຣັສ (Polymorphic viruses)
- ສເຕນລ ໄວຣັສ (Stealth viruses)
ອາການຂອງຄອມພິວເຕີທີ່ຕິດໄວຣັສ
- ເຄື່ອງເປີດບໍ່ຕິດ ຫລື ໃຊ້ເວລາໃນການບູດ (Boot) ເຄື່ອງດົນຫລາຍຜິດສັງເກດ
- ເຄື່ອງປິດຕົວເອງໂດຍບໍ່ຮູ້ສາເຫດ
- ເຄື່ອງ Restart ເອງໂດຍບໍ່ໄດ້ສັ່ງ
- ຂໍ້ມູນຫາຍໄປເອງ ຫລື ບໍ່ສາມາດເປີດໄຟລ໌ນັ້ນໄດ້
- ເມົາສ໌ ແລະ ແປ້ນພິມເຮັດວຽກຜິດປົກກະຕິ ຫລື ບໍ່ເຮັດວຽກເລີຍ
- ສະແດງ Error ຫລື ຂໍ້ຄວາມຕ່າງໆ ເທິງໜ້າຈໍໂດຍບໍ່ມີສາເຫດ
- ລຳໂພງມີສຽງເວົ້າ ຫລື ສຽງເພລງອອກມາໂດຍບໍ່ໄດ້ເປີດໂປຣແກຣມໃຊ້ງານ
- ຂະໜາດຂອງໄຟລ໌ຂໍ້ມູນ ຫລື ໄຟລ໌ໂປຣແກຣມປ່ຽນໄປ ແລະ ບໍ່ສາມາດຮຽກໃຊ້ງານໄດ້
- ເຄື່ອງເຮັດວຽກຊ້າຫລາຍ ໂດຍບໍ່ເຄີຍເປັນມາກ່ອນ
- ໂປຣແກຣມຕ່າງໆ ເຮັດວຽກຜິດພ້ຽນໄປຈາກປົກກະຕິ
- ໃຊ້ເວລາດົນຜິດປົກກະຕິໃນການເອີ້ນໃຊ້ໂປຣແກຣມຂຶ້ນມາເຮັດວຽກ
- ຂະໜາດຂອງໂປຣແກຣມໃຫຍ່ຂຶ້ນ
- ວັນເວລາຂອງໂປຣແກຣມປ່ຽນໄປ
- ເກີດອັກສອນ ຫລື ຂໍ້ຄວາມປະຫຼາດເທິງໜ້າຈໍ
- ເຄື່ອງສົ່ງສຽງອອກທາງລຳໂພງໂດຍບໍ່ໄດ້ເກີດຈາກໂປຣແກຣມທີ່ໃຊ້ຢູ່
- ແປ້ນພິມເຮັດວຽກຜິດປົກກະຕິ ຫລື ບໍ່ເຮັດວຽກເລີຍ
- ຂະໜາດຂອງຫນ່ວຍຄວາມຈຳທີ່ເຫຼືອນນ້ອຍກວ່າປົກກະຕິ ໂດຍຫາເຫດຜົນບໍ່ໄດ້
- ໄຟລ໌ສະແດງສຖານະການເຮັດວຽກງານຂອງດິດຕິດຄ້າງດົນກວ່າທີ່ເຄີຍເປັນ
- ໄຟລ໌ຂໍ້ມູນ ຫລື ໂປຣແກຣມທີ່ເຄິຍໃຊ້ຢູ່ກໍຫາຍໄປ
- ເຄື່ອງເຮັດວຽກຊ້າ
