Webboard ແມ່ນຫຍັງ
WebBoard ຄື ເວັບໄຊທີ່ເຮັດຫນ້າທີ່ໃນລັກສະນະເປັນ ກະດານສົນທະນາ ເປັນກະດານແຈ້ງຂ່າວສານ ຂໍ້ມູນ ແລະ ແລກປ່ຽນຄວາມຄິດເຫັນກັນ ໂດຍໃຊ້ຮູບແບບການສະແດງຜົນ HTML ທີ່ນິຍົມໃຊ້ໃນ World Wide Web (WWW) ຊຶ່ງ WebBoard ອະນຸຍາດໃຫ້ຜູ້ຢ້ຽມຊົມເວບໄຊ ແລະ ຜູ້ພັດທະນາເວບໄຊສາມາດຕັ້ງຫົວຂໍ້ກະທູ້ ເພື່ອປະກາດຂ່າວສານ ແລກປ່ຽນຄວາມຄິດເຫັນກັນໄດ້ ໂດຍທັ່ວໄປມັກເອີ້ນເວັບບອດ (webboard) ວ່າ ບອດ ຫລື ກະດານຂ່າວສານ ກະດານຂ່າວສານນັ້ນຍັງມີຊື່ເອີ້ນອື່ນອີກຫລວງຫລາຍ ເຊັ່ນ ກະດານສົນທະນາອອນໄລນ໌, ເວັບບອດ, ຟໍຣັມ, ເມດເຊດບອດ, ບຸລເລດອິນບອດ,ດິດຄັດຊັນບອດ ຕົວຢ່າງເວັບບອດ Punlao, Pantip..
ກະດານຂ່າວສານແບ່ງໄດ້ເປັນ 3 ສ່ວນຕາມລັກສະນະການຕິດຕໍ່ລະຫວ່າງຜູ້ຕິດຕໍ່ ຄື:
1. ສ່ວນຂອງ ຜູ້ໃຊ້ທີ່ເຂົ້າລະບົບໂດຍການປ້ອນຊື່ ແລະ ລະຫັດຜ່ານ - ຜູ້ບໍ່ປະສົງອອກນາມ
2. ສ່ວນຂອງ ຜູ້ເບິ່ງແຍງລະບົບທົ່ວໄປ ຫລື ສູງສຸດ - ແຜງປຸ່ມຄຳສັ່ງຕ່າງໆ ທີ່ໃຊ້ຈັດການກັບກະດານຂ່າວສານ
3. ສ່ວນຂອງ ຜູ້ເບິ່ງແຍງລະບົບສູງສຸດ - ຖານຂໍ້ມູນຂອງກະດານຂ່າວສານ
ປະໂຫຍດຂອງການໃຊ້ Webboard
- ເປັນຊ່ອງທາງໃນການຕິດຕໍ່ ປະກາດຂ່າວສານ ຂໍ້ມູນ ແລະ ແລກປ່ຽນຄວາມຄິດເຫັນກັນໄດ້
- ເຮັດໃຫ້ເກີດສັງຄົມ ໃນການສົນທະນາແລກປ່ຽນຄວາມຄິດເຫັນກັນ ລະຫວ່າງກຸ່ມຜູ້ຢ້ຽມຊົມ
- ຜູ້ພັດທະນາໂຮມເພຈ ສາມາດໃຊ້ເປັນຊ່ອງທາງໃນການ ປະກາດຂ່າວໃໝ່ໆ ແລກປ່ຽນຄວາມຄິດເຫັນກັບຜູ້ອື່ນໄດ້
- ງ່າຍໃນການໃຊ້ງານ ແມ່ນຈະເປັນຜູ້ເລີ່ມຕົ້ນ ເມື່ອທຽບກັບການໃຊ້ mailing lists ຫລື News Group.
