ເຊີນທຳບຸນ

ເຊີນທຳບຸນ
ເຊີນເດີ ລຸງອາວປ້າອາວອາພວກພໍ່ໃຫຍ່	ທັງບ້ານໄກ ແລະ ໃກ້ຢູ່ໃນນີ້ຄູ່ສູ່ຄົນ
ກ່ອນຈະເດີນດຸ່ງດັ້ນ	ມາລະຫວ່າງກາງສະໜາມ
ມີຄົນຖາມກາງທາງ	ລະຫວ່າງມາງານນີ້
ທ່ານຊິເດີນດຸ່ງດັ້ນ	ໄປໃສເດສັງມາພ້າວຝັ່ງ
ເຈົ້າຊິໄປອິຫຍັງ	ຄືມາຟັ່ງໆພ້າວ
ເດີນດ້າວດ່ວນພະລັນ	ມີຄົນຖາມດັ່ງນັ້ນ
ເຈົ້າຄົງກ່າວຖະແຫລງຕ້ານ	ວ່າຊິໄປເອົາບຸນຮ່ວມງານ ເຈົ້າຈາ
ບາດວ່າມາງານແລ້ວ	ເຈົ້າທຳບຸນແລ້ວໄປ່
ເຈົ້າທຳບຸນແລ້ວພໍ່ໃຫຍ່	ເຈົ້າທຳບຸນແລ້ວແມ່ໃຫຍ່
ເຈົ້າໄດ້ບຸນແລ້ວຕີ໋	ມາພີ້ຖ້າຫາກແມ່ນຍັງ
ໃຜກະວ່າຊິຕັ້ງ	ໃຈຕໍ່ມາເອົາບຸນ
ຢ່າໄດ້ສູນຄວາມຫວັງ	ລະຫວ່າງມາງານນີ້
ຝູງສະຕີສາວໂກ້	ພວກຜູ້ຍິງສາວນ້ອຍຫນຸ່ມ
ພວກທີ່ຢູ່ເປັນກຸ່ມ	ຢູ່ທາງແຈເບື້ອງນັ້ນ
ຢູ່ຂ້າງແຈເບື້ອງນີ້	ເຊີນມາພີ້ຄູ່ສູ່ຄົນ
ເຊີນພໍ່ຕູ້ແມ່ຕູ້  ປູ່ຍ່າອາວອາ	ກັບທັງຊາຍ-ຍິງສາວ
ໝູ່ຄະນອງທັງຫຼານນ້ອຍ	ຜູ້ຂາຍຂອງຢູ່ຕາມຮ້ານ
ໃນງານທຸກໆຝ່າຍ	ເຊີນພໍ່ຄ້າຊາວຂາຍ
ທັງຍິງຊາຍທຸກຖ້ວນໜ້າ	ພາກັນສ້າງ ແຕ່ງບຸນທ່ານເອີຍ!