ອວຍພອນຜູ້ເຖົ້າ

ກອນອວຍພອນຜູ້ເຖົ້າ
ແມ່ເອີຍ! ເຈົ້າຫາກເຖົ້າແກ່ແລ້ວ	ເນື້ອຫຽ່ວໜັງຍານ
ເຈົ້າໄດ້ທານຫາບຸນ	ເພື່ອຄຸນອັນດີລົ້ນ
ດ້ວຍກຸສົນສິນສ້າງ	ເຈົ້າທຳທານເທທອດ
ໃຫ້ເຈົ້າຮອດຊັ້ນຟ້າ	ວິມານກ້ວາງສ່ວງສະບາຍ
ອຸບາດໄພພະຍາດຮ້າຍ	ໃນເມື່ອເປັນຄົນ
ຢ່າໄດ້ວົນມາຫາ	ບຽດບຽນຕົວເຈົ້າ
ເຈົ້າເຮັດໄຮ່ໃຫ້ໄດ້ແຕ່ໜ່ວຍໜາ	ເຈົ້າເຮັດນາຂໍໃຫ້ໝານເຂົ້າ
ມີລູກສາວຫຼານສາວ	ກໍ່ໃຫ້ເວົ້່າງ່າຍໆ
ມີລູກຊາຍຫຼາຍຊາຍ	ກະຢ່າໄດ້ດື້ດ້ານຈາຕ້ານໃຫ້ເຊື່ອຟັງ
ເຈົ້າຊິໄປທາງຫຼັງ ຫຼື ຊິໄປທາງໜ້າ	ຂໍໃຫ້ຄວາມສຸກຂາຈົ່ງນຳຕຸ້ມນຳຕ່ອມ
ໃຫ້ມີຄົນຮັກຫອມ	ພ້ອມກັນຍໍຍົກຍ້ອງຍໍເຈົ້າເວົ້າວ່າດີ
ຄັນຕາຍຈາກຊາດນີ້	ດ້ວຍເດດບຸນຜະຫຼາ
ໃຫ້ໄດ້ເປັນເທວະດາ	ຢູ່ສະຫວັນວິມານແກ້ວ
ຍາມເຈົ້າໝົດບຸນແລ້ວ	ຊິລົງມາໂລກລຸ່ມ
ບຸນຈົ່ງນຳຫໍ່ຫຸ້ມ	ນຳຕ້ອນຕອບແທນ
ເຈົ້າຢ່າໄດ້ຍາກແຄນ	ແສນຍາກທາງສັບ
ຝູງໂລຄາເງີນຄຳ	ໃຫ້ດັ່ງມາຄູນຄ້ຳ
ໃຫ້ເຫັນອົງທັມເຈົ້າ	ພຣະສີອານພຣະບາດ
ໃຫ້ສະຫຼາດຮ່ຳຮູ້ແລ້ວ	ໄດ້ຕັດສາຮູ້ຕາມກົ້ນໜໍ່ພຸດໂທ