ອວຍພອນຜູ້ສາວ

ອວຍພອນຜູ້ສາວ
ເຈົ້າຜູ້ຍິງນວນໜ້າ	ມີສັດທາມາທານທອດ
ໃຈເຈົ້າປອດອ້ອຍຊ້ອຍ	ສະເໝີອ້ອຍໜໍ່ກາງ
ບຸນທີ່ທຳທານສ້າງ	ກຸສົນທານໃຫ້ຊູຊ່ວຍ
ໃຫ້ເຈົ້າລ້ຳເຈົ້າລວຍ	ທັງຮູບສວຍແລະຫຸ່ນໂກ້
ມະໂນເຈົ້າໃຫ້ຊື່ນບານ	ຍາມເຈົ້າປາກກ່າວຕ້ານ
ໃຫ້ສຽງມ່ວນນວນຫູ	ໃຜໄດ້ຟັງຄາລົມກໍ່ຮັກຫອມຕອມຕຸ້ມ
ຂໍໃຫ້ບຸນນຳຄຸ້ມ	ປົກຄຸມຫຸ້ມຫໍ່
ຄັນບໍ່ທັນມີແຟນ ແລະ ຊູ້	ໃຫ້ເຈົ້າໄດ້ດັ່ງໝາຍ
ຂໍຢ່າໄດ້ຄົນຂີ້ດາຍ		ຂີເຫຼົ້າອັບປີ
ໃຫ້ໄດ້ຜົວຄົນດີ		ຮັ່ງມີເງີນລ້ານ
ໃຫ້ທຳງານມີຄວາມຮູ້		ໄດ້ຜົວຄູຫຼືຕຳຫຼວດ
ຜົວນັກບວດ ຫຼື ນັກເວົ້າ		ໃຫ້ສົມໃຈເຈົ້າປາດຖະໜາ!