ລວມບົດເທດ (ເດີນ) ພະເຫວດ 13 ກັນທ໌

 ລວມບົດເທດ ພຣະເຫວດ 13 ກັນ

ຄໍາວ່າ ພຣະເຫວດ ໝາຍເຖິງ ພຣະເຫວດສັນດອນ ການເຮັດບຸນພຣະເຫວດ ເປັນການເຮັດບຸນ ແລະ ຟັງເທດເລື່ອງພຣະເຫວດສັນຕະຣະຊາດົກ ຫຼື ເທດມະຫາຊາດ ເຊິ່ງມີຈໍານວນກັນ 13 ກັນ ກໍເພື່ອລະນຶກເຖິງ ພຣະເຫວດສັນດອນ ຜູ້ເຊິ່ງບໍາເພັນພຽນອັນຍິ່ງໃຫຍ່ດ້ວຍການບໍລິຈາກທານ ຫຼື ທານບາລະມີໃນຊາດສຸດທ້າຍ ຫຼື ມະຫາຊາດຂອງພຣະພຸດທະອົງ ກ່ອນທີ່ຈະມາສະເຫວີຍຊາດ ແລະ ຕັດສະຮູ້ເປັນພຣະພຸດທະເຈົ້າ.

ບຸນພຣະເຫວດ ຫຼື ງານບຸນມະຫາຊາດ ຄື ງານມະຫາກຸສົນ ໃຫ້ລະນຶກເຖິງການບໍາເພັນບຸນ ຄື ຄວາມດີທີ່ຍິ່ງໃຫຍ່ ອັນມີການເສຍສະລະຄວາມເຫັນແກ່ຕົວເພື່ອຜົນຄື ປະໂຫຍດສຸກອັນໄພສານຂອງມວນມະນຸດ.