39 ເລື່ອງໜ້າຮູ້ທາງວິທະຍາສາດ
1.
ເລື່ອງໜ້າຮູ້ທາງວິທະຍາສາດ ມະນຸດພະລັງງານ
ເຊື່ອ ຫລື ບໍ່ວ່າ ຮ່າງກາຍຂອງຄົນເຮົາຜະລິດກະແສໄຟຟ້າໄດ້ ຄົນແຕ່ລະຄົນຈະມີພະລັງງານທຽບເທົ່າກັບການເປີດຫຼອດໄຟຟ້າຂະຫນາດ
120
ວັດ ເພາະຄົົນທີ່ກິນອາຫານເຂົ້າໄປປະລິມານ 2,500 ແຄລໍຣີໃນແຕ່ລະມື້ ຈະໃຫ້ພະລັງງານຄວາມຮ້ອນ 104 ແຄລໍຣີຕໍ່ຊົ່ວໂມງ ຊຶ່ງທຽບເທົ່າກະແສໄຟຟ້າທີ່ມີພະລັງງານ 120 ວັດ.
2. ສະຫມອງບໍລິໂພກ
ເຊື່ອ ຫລື ບໍ່ວ່າ ຕອນທໍາອິດທີ່ເຮົາເກີດສະຫມອງຂອງເຮົາໜັກປະມານ
3% ຂອງນ້ຳໜັກທົງໝົດ ແຕ່ເມື່ອອາຍຸໄດ້ປະມານ 15 ປີ ສະຫມອງຈະໜັກເຖິງ 1.4 ກິໂລກຣາມ ແລະ ຈະມີຂະໜາດຄົງທີ່ ສະຫມອງເຕີບໂຕໄດ້ເພາະໃຊ້ພະລັງງານຈາກອາກາດທີ່ເຮົາຫາຍໃຈເຂົ້າໄປ
20%
ແລະ ໃຊ້ເລືອດຫຼໍ່ລ້ຽງເຖິງ 15% ຂອງເລືອດທັງໝົດໃນຮ່າງກາຍ.
3. ຂະບວນການຄິດ
ນັກວິທະຍາສາດພິສູດແລ້ວວ່າ ການເຄື່ອນໄຫວຕ່າງໆ ມີຜົນຕໍ່ການຄິດ
ແລະ ການຕັດສິນໃຈຂອງມະນຸດ ການນອນຄິດຈະເຮັດໃຫ້ຄວາມຄິດກວ້າງໄກລ, ການຢືນເຮັດໃຫ້ຄວາມຄິດແຄບລົງ
ສາມາດຕັດສິນໃຈໄດ້ໄວຂຶ້ນ ແລະ ການນັ່ງເປັນການເຄື່ອນໄຫວ ທີ່ເໝາະກັບການຕັດສິນໃຈທີ່ບໍ່ຮີບຮ້ອນເທົ່າໃດ.
4. ເລື່ອງໜ້າຮູ້ທາງວິທະຍາສາດ ຕາອັນແຫຼມຄົມ
ຕາຂອງຫຼຽວສາມາດເບິ່ງເຫັນແມງວັນທີຢູ່ໃນໄລຍະເຄິ່ງໄມລ໌ (Miles) ໄດ້ ສ່ວນເສືອດາວກໍສາມາດເບິ່ງເຫັນຄົນທີ່ໄລຍະຫ່າງ 100 ຫຼາໄດ້ ຕາຂອງຄົນກໍມີຄວາມພິເສດເຊັ່ນດຽວກັນ ເພາະສາມາດແຍກແຍະ ຄວາມແຕກຕ່າງຂອງສີໄດ້ຫລາຍເຖິງ 17,000 ສີ.
5. ຮີມຝີປາກ
ເຄີຍສັງເກດບໍ່ໍວ່າ ເປັນຫຍັງຮິມສີປາກຂອງເຮົາ ຈຶ່ງມີສີແດງຫລາຍກວ່າສ່ວນອື່ນໆ ຂອງຮ່າງກາຍ ທີ່ເປັນເຊັ່ນນັ້ນກໍເພາະ ຜິວໜັງບໍລິເວນຮິມສີປາກບາງກວ່າສ່ວນອື່ນໆ ນັ້ນເອງ ຈຶ່ງເຮັດໃຫ້ສາມາດເບິ່ງເຫັນສີຂອງເລືອດໃນຜິວໜັງໄດ້.
6. ພະລັງປອດ
ເຊື່ອ ຫລື ບໍ່ວ່າ ປົກກະຕິເຮົາຈະຫາຍໃຈເອົາອາກາດເຂົ້າໄປປະມານ
6 ລິດຕໍ່ນາທີ ແຕ່ລະຫວ່າງອອກກຳລັງກາຍ ແລະ ຫຼັງອອກກຳລັງກາຍໃໝ່ໆ ເຮົາອາດຫາຍໃຈເອົາອາກາດເຂົ້າໄປໄດ້ຫລາຍເຖິງ 100 ລິດຕໍ່ນາທີ.
7. ນ້ຳໜັກວິນຍານ
ເຊື່ອ ຫລື ບໍ່ວ່າ ວິນຍານຂອງພວກເຮົາກໍມີນ້ຳໜັກດ້ວຍຄືກັນ ນັກວິທະຍາສາດທົດລອງຊັ່ງນ້ຳໜັກຂອງວິນຍານ ໂດຍຊັ່ງນ້ຳໜັກຂອງຄົນໃນຂະນະທີ່ມີຊີວິດຢູ່
ປຽບທຽບກັບນ້ຳໜັກຫຼັງຈາກເສຍຊີວິດທັນທີ ພົບວ່າ ນ້ຳໜັກຫາຍໄປ 21 ກຣາມ ຈຶ່ງສະຫລຸບວ່າ: ດວງວິນຍານຂອງພວກເຮົາມີນ້ຳໜັກ
21 ກຣາມ.
8. ເລື່ອງໜ້າຮູ້ທາງວິທະຍາສາດ ສານຂ້າຄວາມເຈັບປວດ
ເຈົ້າເຄີຍສັງເກດບໍວ່າ ເປັນຫຍັງບາງເທື່ອນັກກິລາທີ່ໄດ້ຮັບບາດເຈັບ
ໃນລະຫວ່າງການແຂ່ງຂັນ ຍັງສາມາດລົງແຂ່ງຂັນໄດ້ຈົນຈົບ ຫລື ທະຫານທີ່ໄດ້ຮັບບາດເຈັບໃນສະໜາມຮົບຍັງຄົງທົນຕໍ່ສູ້ສັດຕູຢູ່ໄດ້
ນັກວິທະຍາສາດພິສູດແລ້ວວ່າ ເມື່ອມະນຸດຜະເຊີນສະຖານນະການທີ່ຕຶງຄຽດ
ສະຫມອງຈະປລ່ອຍສານອອກມາຍັບຢັ້ງຄວາມຮູ້ສຶກເຈັບປວດເອົາໄວ້ ເຮັດໃຫ້ມະນຸດຕໍ່ສູ້ກັບຄວາມເຈັບປວດໄດ້.
9. ບໍ່ມີນ້ຳຕາ
ຮູ້ ຫລື ບໍ່ວ່າ ຕອນທີ່ເຮົາອາຍຸ 4-5 ເດືອນ ໃນເວລາເຮົາຮ້ອງໄຫ້ແມ່ນບໍ່ມີນ້ຳຕາ
ແມ່ນຈະຮ້ອງສຽງດັ່ງພຽງໃດກໍຕາມ ທີ່ເປັນເຊັ່ນນີ້
ເພາະຕ່ອມນ້ຳຕາຂອງຄົນເຮົາຈະພັດທະນາຂຶ້ນ ຫຼັງຈາກເກີດມາແລ້ວ 4-5 ເດືອນ.
10. ຫິວເພາະກິ່ນ
ພໍກິ່ນຫຫອມຂອງອາຫານລອຍມາ ພວກເຮົາຄົງເຄີຍຮູ້ສຶກຫິວຕາມກິ່ນນັ້ນໄປດ້ວຍ ເພາະວ່າ ກິ່ນອາຫານເຂົ້າໄປກະຕຸ້ນລະບົບການຍ່ອຍອາຫານຂອງເຮົາ
ເຮັດໃຫ້ນ້ຳຍ່ອຍໃນປາກ ແລະ ທ້ອງເຮັດວຽກ ເຮົາຈຶ່ງຮູ້ສຶກຫິວທັງໆ ທີ່ບາງເທື່ອເຮົາບໍ່ຕ້ອງການກິນອີກແລ້ວ.
11. ກະເພາະແຂງແກ່ນ
ໃນກະເພາະອາຫານຂອງເຮົາ ມີນ້ຳຍ່ອຍທີ່ມີລິດເປັນກົດສູງຫລາຍ ຈົນສາມາດລະລາຍສັງກະສີໄດ້ ແຕ່ກົດເຫຼົ່ານີ້ ບໍ່ສາມາດລະລາຍຝາກະເພາະຂອງເຮົາໄດ້ ເນື່ອງຈາກທຸກນາທີເຊລຝາກະເພາະເກົ່າ 5,000 ເຊລຈະຖືກເຊລໃໝ່ແທນທີ່ແລະປ່ຽນເປັນເຊລໃໝ່ທັງໝົດທຸກໆ
3 ວັນ.
12. ທ້ອງຮ້ອງຈ໊ອກໆ
ພວກເຮົາອາດຈະເຄີຍໄດ້ຍິນສຽງທ້ອງຮ້ອງເມື່ອຮູ້ສຶກຫິວ ສາເຫດທີ່ທ້ອງຮ້ອງ ເພາະສະຫມອງຊຶ່ງເປັນສ່ວນທີ່ຄວບຄຸມຄວາມຮູ້ສຶກຫິວຂອງເຮົາ ຈະຄອຍຖ້າຈັດລຳດັບການເຮັດວຽກງານຂອງກະເພາະອາຫານ ແລະ
ລຳໄສ້ ຖ້າໃນເລືອດມີສານອາຫານພໍພຽງ ສະຫມອງກໍຈະສັ່ງໃຫ້ລະບົບຍ່ອຍອາຫານເຮັດວຽກຊ້າລົງ ແຕ່ ເມື່ອໃດທີ່ມີສານອາຫານໃນເລືອດນ້ອຍ ລະບົບຍ່ອຍອາຫານຈະເຮັດວຽກໄວຂຶ້ນເຮົາຈຶ່ງໄດ້ຍິນສຽງທ້ອງຮ້ອງ.
13. ເລື່ອງໜ້າຮູ້ທາງວິທະຍາສາດ ຕົກໃຈຈົນໜ້າຊີດ
ເມື່ອເຮົາຕົກໃຈໜ້າຈະຊີດ ເນື່ອງຈາກເລືອດບໍລິເວນແກ້ມຈະໄຫຼຍ້ອນກັບຢ່າງວ່ອງໄວ
ເພື່ອເຮັດຫນ້າທີ່ສຸກເສີນ ຄືໃຫ້ສານອາຫານ
ແລະ ອອກຊິເຈນແກ່ກ້າມເນື້ອສ່ວນອື່ນ ເນື່ອງຈາກຮ່າງກາຍບໍ່ໄດ້ຕຽມພ້ອມຢູ່ຕະຫລອດເວລາ
ວ່າຈະຕ້ອງຜະເຊີນຄວາມຕົກໃຈ ເມື່ອເລືອດຈາກແກ້ມໄຫຼອອກໄປ
ໜ້າເຮົາຈຶ່ງຊີດ.
14. ເຂີນອາຍ
ເມື່ອເຮົາຮູ້ສຶກເຂີນອາຍໜ້າເຮົາກໍຈະແດງ ໂດຍສະເພາະບໍລິເວນແກ້ມ
ແລະ ລຳຄໍ
ເພາະຂະນະທີ່ເຮົາເຂີນອາຍ ເຊລປະສາດຈະຖືກກະຕຸ້ນໃຫ້ປ່ອຍສານເຄມີທີ່ພະລັງງານສູງຊື່ວ່າ
ເປບໄຕດ໌
(peptide)
ອອກມາ ເຮັດໃຫ້ເສັ້ນເລືອດທີ່ແກ້ມ ແລະ ລຳຄໍຂະຫຍາຍຕົວ ໜ້າຂອງເຮົາຈຶ່ງແດງຫລາຍກວ່າປົກກະຕິ.
15. ມາຈາກດວງດາວ
ຮ່າງກາຍຂອງເຮົາປະກອບດ້ວຍອາຕອມຈຳນວນຫລາຍ ນັກວິທະຍາສາດບາງກຸ່ມເຊື່ອວ່າ
ອາຕອມເກີດມາຈາກດວງດາວທີ່ດັບແລ້ວເມື່ອ 5,000 ລ້ານປີ ກ່ອນທີ່ຈະມີພະອາທິດເກີດຂຶ້ນ ແລະ ດວງດວງນີ້ເຄີຍມີສິ່ງມີຊີວິດອາໄສຢູ່ກ່ອນເມື່ອໂລກເກີດຂຶ້ນ ເຊລຂອງສິ່ງມີຊີວິດນີ້ກໍໄດ້ພັດທະນາເລື້ອຍມາຈົນກາຍເປັນຄົນ.
16. ນອນແລ້ວສູງ
ການນອນຊ່ວຍໃຫ້ເຮົາສູງຂຶ້ນໄດ້ ເພາະເມື່ອເຮົາຢືນ ຫລື
ນັ່ງ
ແຜ່ນກະດູກອ່ອນທີ່ກະດູກສັນຫຼັງຈະຖືກແຮງດຶງດູດຂອງໂລກກົດລົງ ການນອນຊ່ວຍໃຫ້ແຮງກົດນີ້ຫາຍໄປ ແຜ່ນກະດູກອ່ອນທີ່ຖືກກົດກໍຈະພອງຕົວ ເຮັດໃຫ້ເຮົາສູງຂຶ້ນໄດ້ອີກ 8 ມິນລິແມັດ ແຕ່ເມື່ອຕື່ນມາເຮົາກໍຈະສູງເທົ່າເດີມ.
17. ຂ້ອຍເຮັດບໍ່ໄດ້
ສິ່ງທີ່ຮ່າງກາຍຂອງຄົນເຮົາບໍ່ສາມາດເຮັດໄດ້ ຄື ຫາຍໃຈ
ແລະ ກືນອາຫານໄປພ້ອມໆກັນ ເພາະຂະບວນການກືນ ຈະໄປລົບກວນຂະບວນການຫາຍໃຈ
ດ້ວຍການປິດກັ້ນອາກາດບໍ່ໃຫ້ຜ່ານເຂົ້າໄປ ຂະນະທີ່ອາຫານເຄື່ອນຈາກປາກ ໄປຍັງຄໍຫອຍ
ແລະ ຜ່ານໄປທີ່ກະເພາະອາຫານ.
18. ພະລັງງານຫົວໃຈ
ໃນຊ່ວງຊີວິດຂອງມະນຸດນັ້ນ ຫົວໃຈຈະສູບສີດເລືອດປະມານ
500
ລ້ານລິດ ແລະ ເຕັ້ນ 2,000 ລ້ານຄັ້ງ ດັ່ງນັ້ນ, ໃນ 1 ວັນ ຫົວໃຈຈະສູບສີດເລືອດຫລາຍກວ່າ 13,500 ລິດ ແລະ ເຕັ້ນ 100,000 ເທື່ອ
ແຕ່ລະວັນ ຫົວໃຈຈຶ່ງຕ້ອງເຮັດວຽກໜັກ ເພື່ອໃຫ້ໄດ້ພະລັງງານຫລາຍພໍ ເຊື່ອ ຫລື ບໍ່ວ່າ ພະລັງງານທີ່ໄດ້ນີ້ ສາມາດຍົກລົດໄດ້ສູງເຖິງ
15 ແມັດ.
19. ເລື່ອງຂອງຜິວໜັງ
ເຊື່ອ ຫລື ບໍ່ວ່າ ພື້ນທີ່ພຽງ 1 ນິ້ວ ເທິງຜິວໜັງຂອງເຮົານັ້ນປະກອບໄປດ້ວຍເຊລເຖິງ
19 ລ້ານເຊລ ຂົນ 60 ເສັ້ນ
ຕ່ອມນ້ຳມັນ 90 ຕ່ອມ ຕ່ອມເຫື່ອ 625 ຕ່ອມ ເສັ້ນເລືອດຍາວ
5 ແມັດ ແລະ ເຊລຮັບຄວາມຮູ້ສຶກ 19,000 ເຊລ.
20.
ເຊລເມັດເລືອດ
ມີຜູ້ຊ່ຽວຊານສັນນິດຖານວ່າ: ຖ້ານຳເຊລເມັດເລືອດຂອງເຮົາມາຕໍ່ເປັນສາຍຍາວ
ຈະສາມາດພັນອ້ອມເສັ້ນສູນສູດໄດ້ເຖິງ 4 ຮອບ.
21. ໜາວສັ່ນ
ອາການໜາວສັ່ນເປັນອາການທີ່ຮ່າງກາຍສະແດງອອກມາ ເພື່ອຖືຮັກສາອຸນຫະພູມຂອງຮ່າງກາຍໃຫ້ຢູ່ໃນລະດັບທີ່ເໝາະສົມ ຫຼັງຈາກທີ່ໄດ້ຮັບຄວາມເຢັນຫລາຍເກີນໄປ ເພາະຄວາມເຢັນຈະເຮັດໃຫ້ຂະບວນການຕ່າງໆ ໃນຮ່າງກາຍເຮັດວຽກຊ້າລົງ ແລະ ເປັນອັນຕະລາຍໄດ້ຫາກອຸນຫະພູມຕ່ຳລົງຫລາຍໆ
ດັ່ງນັ້ນ
ກ້າມຊີ້ນ ຈຶ່ງຜະລິດຄວາມຮ້ອນດ້ວຍການເຮັດໃຫ້ກ້າມຊີ້ນຫົດຕົວໄປມາຢ່າງວ່ອງໄວ.
22. ເລື່ອງໜ້າຮູ້ທາງວິທະຍາສາດ ຕົວຢາປິ່ນປົວພະຍາດ
ການສີດຢາເປັນວິທີການປິ່ນປົວພະຍາດອີກວິທີໜຶ່ງທີ່ແຜ່ຫຼາຍ ຮູ້ ຫລື ບໍ່ວ່າ ແພດໄດ້ຕົວຢາມາຈາກໃສ ໃນຢາສີດນັ້ນ ມີສ່ວນປະກອບຂອງແບກທີເຣຍທີ່ເຮັດໃຫ້ມີລິດອ່ອນລົງ ຊຶ່ງໄດ້ມາຈາກເຊື້ອພະຍາດຂອງຜູ້ປ່ວຍຄົນອື່ນທີ່ປ່ວຍເປັນພະຍາດດຽວກັນກັບເຮົາ
ນອກຈາກນຳໄປເຮັດເປັນຢາສີດແລ້ວ ເຊື້ອພະຍາດເຫຼົ້ານັ້ນຍັງສາມາດນຳໄປເຮັດເປັນວັກຊີນປ້ອງກັນພະຍາດໄດ້ອີກດ້ວຍ ໂດຍວັກຊີນຈະເຂົ້າໄປສ້າງພູມຄຸ້ມກັນພະຍາດຊະນິດນັ້ນໆ
ໃນຮ່າງກາຍ.
23. ຫາວນອນ
ອາການງ່ວງເຫງົາຫາວນອນ ເກີດຈາກການທີ່ເຮົາຮູ້ສຶກອ່ອນເພຍ ລະບົບທາງເດີນຫາຍໃຈຂອງເຮົາຈຶ່ງເຮັດວຽກຊ້າລົງ ເປັນຜົນໃຫ້ກ້າມຊີ້ນຄໍຫອຍປິດໂດຍອັດຕະໂນມັດ ເຮັດໃຫ້ຮ່າງກາຍຕ້ອງການອາກາດເພີ່ມຂຶ້ນ ເຮົາຈຶ່ງຕ້ອງຫາວເພື່ອເອົາອາກາດເຂົ້າໄປໃຊ້ໃນຂະບວນການຫາຍໃຈ.
24. ລົ້ມຕົວລົງນອນ
ເຊື່ອ ຫລື ບໍ່ວ່າ ໃນບັນດາສິ່ງມີຊີວິດ ມີສັດພຽງ 2-3 ຊະນິດເທົ່ານັ້ນ ທີ່ນອນຫຼັບໂດຍເອນຫຼັງແນບກັບພື້ນ ແລະ ສັດຊະນິດໜຶ່ງທີ່ສາມາດເຮັດເຊັ່ນນີ້ໄດ້ກໍຄືມະນຸດນັ້ນເອງ.
25. ຄວາມຝັນ
ເຊື່ອ ຫລື ບໍ່ວ່າ ຄວາມຝັນຊ່ວຍເຮັດໃຫ້ຈິດໃຈຂອງເຮົາສົດຊື່ນເບີກບານໄດ້ ບໍ່ວ່າເຮົາຈະຈົດຈຳຄວາມຝັນນັ້ນໄດ້ ຫລື ບໍ່ກໍຕາມ ເພາະຄວາມຝັນຈະສະແດງເຖິງສິ່ງທີ່ເຮົາຢາກເຮັດເມື່ອຕື່ນ ແຕ່ເຮົາບໍ່ສາມາດເຮັດໄດ້.
26. ເວລາຂອງຄວາມຝັນ
ຜູ້ຊ່ຽວຊານສະແດງທັດນະກ່ຽວກັບເວລາໃນຊ່ວງຂອງຄວາມຝັນໄວ້ວ່າ
ເວລາທີ່ເຮົາຕື່ນຢູ່ປະສາດຄວາມຮູ້ສຶກກ່ຽວກັບເວລາຂອງເຮົາຈະເປັນແນວຕັ້ງ ດັ່ງນັ້ນ, ເຮົາຈຶ່ງຮັບຮູ້ແຕ່ຂະນະປະຈຸບັນເທົ່ານັ້ນ
ແຕ່ເມື່ອເຮົາຫຼັບມັນຈະກາຍເປັນເສັ້ນແນວນອນ ເຮັດໃຫ້ເຮົາສາມາດເດິນທາງໄປໃນອດີດ
ແລະ ອະນາຄົດໄດ້.
27. ເລື່ອງໜ້າຮູ້ທາງວິທະຍາສາດ ດັງຂອງມົດ
ໃຜຮູ້ແດ່ວ່າມົດໃຊ້ຫຍັງໃນການດົມກິ່ນ? ຄຳຕອບກໍຄືໃຊ້ຕີນນັ້ນເອງ ການໃຊ້ຕີນດົມກິ່ນຊ່ວຍໃຫ້ມັນສາມາດຕາມກິ່ນທີ່ເພື່ອນຂອງມັນຖິ້ມໄວ້ຕາມທາງໄດ້ ນອກຈາກນີ້ ມັນຍັງສາມາດໃຊ້ຂໍ້ຕໍ່ທີ່ໜວດຮັບກິ່ນໄດ້ອີກດ້ວຍ.
28. ຊ້າງນັກກິນ
ຊ້າງແອຟຣິກາມີຂະໜາດໃຫຍ່ຫລາຍ ໜັກເຖິງ 7 ຕັນ ທີ່ຕົວໃຫຍ່ຂະໜາດນີ້ ເພາະມັນໃຊ້ເວລາໃນການກິນປະມານ
18-20 ຊົ່ວໂມງຕໍ່ວັນ ໂດຍກິນພືດຜັກປະມານມື້ລະ 350 ກິໂລກຣາມ ແລະ ກິນນ້ຳ 90 ລີດ.
29. ແສງນຳທາງ
ຮູ້ບໍເປັນຫຍັງແມງກະເບື້ອ ມັກບິນເຂົ້າຫາແສງໄຟໃນຕອນກາງຄືນ
ເພາະປົກກະຕິໃນຕອນກາງຄືນຈະໃຊ້ແສງຈັນນຳທາງ ແຕ່ແສງອື່ນເຮັດໃຫ້ມັນສັບສົນ ແລະ ປະສາດທາງດ້ານທິດທາງເສຍໄປ
ດັ່ງນັ້ນ,
ມັນຈຶ່ງພະຍາຍາມປັບແສງຈັນປອມໃຫ້ເຮັດມຸມດຽວກັນກັບແສງຈັນແທ້
ໂດຍການບິນເປັນວົງກົມເຂົ້າມາໃກ້ແສງນັ້ນຫລາຍຂຶ້ນ.
30. ເລື່ອງໜ້າຮູ້ທາງວິທະຍາສາດ? ສັດມີເຫື່ອ ຫລື ບໍ່
ໝາກໍມີເຫື່ອ ຄື ເຫື່ອຂອງມັນຈະອອກບໍລິເວນຝາຕີນ ນອກຈາກນີ້
ສັດອື່ນໆ ເຊັ່ນ: ງົວ ຈະມີເຫື່ອອອກທາງດັງ ສ່ວນເຫື່ອຂອງຮິບໂປໂປເຕມັດ ຈະອອກມາຈາກທຸກສ່ວນຂອງຮ່າງກາຍ
ແລະ ຈະເປັນເຫື່ອສີແດງ.
31. ໜຶ່ງບໍ່ມີສອງ
ຄົນເຮົາມີລາຍນິ້ວມືບໍ່ຄືກັນ ມ້າລາຍແຕ່ລະຕົວກໍມີແຖບລາຍສະເພາະທີ່
ຊຶ່ງຈະບໍ່ຊ້ຳກັບມ້າລາຍຕົວອື່ນໆ ເຊັ່ນກັນ.
32. ໜູນັກຮ້ອງ
ໜູເປັນສັດທີ່ສາມາດຮ້ອງເພງໄດ້ ແຕ່ສຽງຮ້ອງຂອງມັນຈະເປັນສຽງຊູເປີຣ໌ໂຊນິກ (Supersonic) ຊຶ່ງມີລັກສະນະເປັນສຽງສູງ ແລະ ຕິດຕໍ່ກັນ ເຮັດໃຫ້ເຮົາບໍ່ໄດ້ຍິນສຽງເພງຂອງມັນ
ແຕ່ຖ້າມັນຫຼຸດລະດັບສຽງໃຫ້ຕ່ຳລົງຈົນເຖິງລະດັບປົກກະຕິທີ່ເຮົາສາມາດໄດ້ຍິນ
ເຮົາກໍຈະໄດ້ຍິນສຽງເພງຈາກໜູໄດ້.
33. ສັດປາກກວ້າງ
ສັດທີ່ສາມາດອ້າປາກໄດ້ກວ້າງທີ່ສຸດ ຄື ງູເຫຼືອມເຣຕິຄູເລເຕດ
(Reticulated
python) ມັນສາມາດຢືດຕົວໄດ້ເຖິງ 10 ແມັດ ແລະ ອ້າປາກກວ້າງຈົນກືນກິນສັດທີ່ມີນ້ຳໜັກ
55 ກິໂລກຣາມ ຈຶ່ງບໍ່ແປກທີ່ຈະມີຄົນພົບສັດໃຫຍ່ໆ ຢ່າງເສືອດາວໃນທ້ອງຂອງມັນ.
34. ເວລາຂອງພືດ
ຄົນ ສັດ ແລະ ພືດເປັນສິ່ງມີຊີວິດຄືກັນ ແຕ່ສິ່ງທີ່ ຄົນ ແລະ ສັດຕ່າງຈາກພືດກໍຄື ການຈະເລີນເຕີບໂຕ ຄົນ ແລະ ສັດຈະມີຊ່ວງທີ່ຈະເລີນເຕີບໂຕ ແລະ ຢຸດໃຫຍ່ເມື່ອເຖິງອີກຊ່ວງອາຍຸໜຶ່ງ ແຕ່ສຳລັບພືດແລ້ວ ມັນກໍຍັງຈະເລີນເຕີບໂຕໄປເລື້ອຍໆ ແລະ ຈະຢຸດກໍຕໍ່ເມື່ອມັນຕາຍເທົ່ານັ້ນ.
35. ຕົ້ນໄມ້ເວົ້າໄດ້
ນັກວິທະຍາສາດພົບວ່າ ຕົ້ນໄມ້ສາມາດສື່ສານກັນໄດ້ຫາກຢູ່ໃນບໍລິເວນໃກ້ຄຽງກັນ
ພືດມີຄວາມຮູ້ສຶກມັກ ແລະ ບໍ່ມັກເຊັ່ນດຽວກັບຄົນ ດັ່ງນັ້ນ, ຫາກມີຕົ້ນໄມ້ທີ່ມັນບໍ່ມັກຂຶ້ນບໍລິເວນນັ້ນ
ມັນກໍຈະປ່ອຍສານຟີໂຣໂມນ (Pheromones) ເພື່ອສື່ສານໃຫ້ຕົ້ນອື່ນຮັບຮູ້ ສານນີ້ ຈະໄປກະຕຸ້ນໃຫ້ພືດທີ່ມັນມັກຈະເລີນເຕີບໂຕ ແລະ
ຈະທຳລາຍພືດທີ່ມັນບໍ່ມັກບໍລິເວນນັ້ນ.
36. ພືດປ້ອງກັນຕົວ
ມີພືດຢູ່ຫຼາຍຊະນິດທີ່ຈະປ້ອງກັນຕົວເອງເມື່ອຖືກແມງໄມ້ລົບກວນ
ໂດຍພາຍໃນ 1
ຊົ່ວໂມງ ຫຼັງຈາກຖືກລົບກວນ ພືດຈະປ່ອຍສານທີ່ມີຊື່ວ່າ
ເທີຣ໌ເພນ ແລະ ແທນນິນ (Terpene, Tannin) ທີ່ບໍລິເວນໃບ ໂປຣຕີນໃນໃບ ຈະປ່ຽນເປັນໂປຣຕີນທີ່ຍ່ອຍຍາກຂຶ້ນ
ແມງໄມ້ທີ່ບຸກລຸກກໍຈະຂາດໂປຣຕີນ ພືດກໍຈະຫຼຸດພົ້ນຈາກການຖືກແມງໄມ້ລົບກວນ.
37. ເລື່ອງບັງເອີຍ
ເມື່ອປະມານພັນກວ່າປີມາແລ້ວ ຄົນເບິ່ງແຍງຝູງແກະຊາວອະບິດຊີເນຍ ຄົ້ນພົບກາເຟໂດຍບັງເອີນ
ເພາະມື້ໜຶ່ງລາວໄດ້ກິ່ນຫອມຂອງພຸ່ມໄມ້ປ່າທີ່ຖືກເຜົາຈຶ່ງລອງຊິມເບິ່ງ
ແລະ ເກີດຕິດໃຈໃນຣົດຊາດ ລາວຈຶ່ງນຳໄປຕົ້ມໃນນ້ຳເດືອດ ຕັ້ງແຕ່ນັ້ນມາກາເຟຈຶ່ງກາຍເປັນສິ່ງທີ່ນິຍົມບໍລິໂພກ.
38. ບານມື້ລະດອກ
ຕົ້ນຫຍ້າບລູອາຍ ມີກ້ານດອກບໍ່ແຂງແຮງພໍທີ່ຈະຮອງຮັບນ້ຳໜັກຂອງດອກທີ່ບານຫລາຍກວ່າ
1
ດອກ ດັ່ງນັ້ນ, ທຳມະຊາດຈຶ່ງສ້າງໃຫ້ດອກຂອງມັນບານໃນຕອນເຊົ້າ ແລ້ວຫ່ຽວແຫ້ງຕາຍໃນຕອນກາງຄືນ ເພື່ອຈະໄດ້ມີດອກໄມ້ດອກໃໝ່ປົ່ງບານໃນຕອນເຊົ້າ.
39. ສະຫມອງພືດ
ເຊື່ອ ຫລື ບໍ່ວ່າ ພືດສາມາດຜະລິດສານຊະນິດດຽວກັບທີ່ສະຫມອງຂອງຄົນ
ແລະ ສັດຜະລິດໄດ້ ຕົ້ນຝິ່ນສາມາດຜະລິດສານທີ່ຄ້າຍກັບເອນໂດຟີນ
(Endorphin)
ຊຶ່ງຖືກປ່ອຍອອກມາຈາກສະຫມອງຂອງຄົນ ນອກຈາກນີ້ ຕົ້ນໂຈໂຈບາ
ຍັງສາມາດໃຫ້ນ້ຳມັນ ຊຶ່ງມີຄຸນສົມບັດຄ້າຍສານທີ່ໄດ້ຈາກປາວານສະເປີມ (Sperm whale) ອີກດ້ວຍ.
ไม่มีความคิดเห็น:
แสดงความคิดเห็น