ເປັນຫຍັງຈິດຈຶ່ງມີພະລັງ?

ພະລັງຈິດ ແມ່ນຫຍັງ? ເປັນຫຍັງຈິດຈຶ່ງມີພະລັງ? ແລ້ວເຮັດແນວໃດ ຈຶ່ງຈະມີພະລັງຈິດ?

   ຈິດ ເປັນພະລັງງານຄື້ນຮູບໜຶ່ງ ທີ່ມີລັກສະນະສະເພາະ ເປັນພະລັງທີ່ເຂົ້າຄວບຄຸມຊີວິດ ຮ່ວມກັບພະລັງຈັກກະວານ (ພະລັງທໍາມະຊາດ ຫຼື ອະປະຣານະຊີ່ກົງ) ລວມເປັນຮູບ ເອີ້ນວ່າ: ຈິດວິນຍານ ດັ່ງນີ້, ທັງຈິດ ແລະ ວິນຍານລ້ວນເປັນພະລັງງານ ແລະ ມີພະລັງງານໃນຕົວເອງຢູ່ແລ້ວ.

   ດັ່ງນີ້, ຈິດ ຄື ພະລັງງານຮູບໜຶຶ່ງທີ່ມີພະລັງຢູ່ໃນຕົວຢູ່ແລ້ວ ບໍ່ຈໍາເປັນຕ້ອງໄປເອົາພະລັງໃຜມາ ໄປດູດເອົາຂອງໃຜ ຫຼື ການໄປດູດເອົາພະລັງສິ່ງອື່ນໆມາ ການໄປເອົາພະລັງມາຫຼາຍ ຈະເສຍຄວາມສົມດູນ ຈົນກະທົບຕໍ່ຮ່າງກາຍໄດ້ ຈົນກະທົບຕໍ່ຮ່າງກາຍໄດ້ ພົບໄດ້ໃນພວກເລ່ນພະລັງທາດຕ່າງໆ ເຊັ່ນ: ໄຟ, ນໍ້າ ເຮັດໃຫ້ຮ່າງກາຍເສຍຄວາມສົມດູນ.

ການເຝີກຈິດວິນຍານ ມີສອງລັກສະນະ ຄື:

ການຝືກຈິດ ຄື:​ ການຝືກຈິດເຂົ້າສູ່ຄວາມບໍລິສຸດໜຶ່ງ ແລະ ໃຊ້ພະລັງຈິດໄປທໍາງານໄດ້ໜຶ່ງ

ການຝືກລົມປານ ຄື: ການຄວບຄຸມພະລັງວິນຍານ ເພື່ອຊ່ວຍການທໍາງານຂອງຮ່າງກາຍຕ່າງໆ

   ການຝືກຈິດ ທີ່ເພີ່ນມັກຈະເອີ້ນວ່າ: ກໍາມະຖານ ແບບຂອງພຣາມເກົ່າທີ່ພຣະພຸດທະອົງ ໄປຮຽນມາແລ້ວມາປັບຖ່າຍທອດຕໍ່ໃຫ້ພຣະສາວົກເກັບສືບທອດຕໍ່ມາ ແລ້ວຍັງມີສ່ວນທີ່ພຣະພຸດທະອົງ ຊົງບັນຍັດເອງ ແລະ ສ່ວນທີ່ພຣະອໍຣະຫັນຕະສາວົກຄົ້ນຄິດເອງ.
ສ່ວນ​ການ​ຝືກ​ລົມ​ປານ ພັດ​ທະ​ນາ​ມາ​ຈາກ ອາ​ນາ​ປາ​ນະ​ສະ​ຕິ​ເປັນ​ສ່ວນ​ສຳ​ຄັນ ມາ​ແຕກ​ຂະ​ແໜງ​ຕອນ​ທ່ານ ຕັ໋ກ​ມໍ້ ມາ​ເຜີຍ​ແຜ່ ແລ້ວ​ແຕກ​ຂະ​ແໜງຫຼາຍ​ຂື້ນ​ອີກ ຈົນ​ເຖິງ ຮຸ່​ນ​ທ່ານ​ປະ​ຣະ​ມາ​ຈານ ຊານ​ຟົງ ຖື​ເປັນ​ຈຸດ​ສຸດຍອດ​ຂອງ​ພະ​ລັງ​ຊີ່​ກົງ.

 
   ປົກ​ກະ​ຕິ ເຮົາ​ຄວນ​ຝືກ​ຈິດ​ໃຫ້​ບໍ​ລິ​ສຸດ​ກ່ອນ ໃຫ້​ຮູ້​ຈັກ​ຈິດ​ແທ້ ຈຶ່ງ​ຄ່ອຍ​ຕໍ່​ດ້ວຍ​ການ​ຝຶກ​ໃຊ້​ງານ​ຈິດ ແລະ ໃຊ້​ພະ​ລັງ​ຈິດ ຈາກນັ້ນ ຈຶ່ງ​ຕໍ່​ດ້ວຍ​ການ​ຝຶກ​ລົມ​ປານຂະ​ແໜງ​ຕ່​າງໆ.

ໂດຍ​ມີ​ເປົ້າ​ໝາຍ ຄື ການຫຼຸດ​ພົ້ນ​ ແລະ ຢູ່​ໃນ​ໂລກ​ຢ່າງບໍ່​ທຸກ​ເກີນ​ໄປ ຮັກ​ສາ​ຕົວ​ເອງ​ໄດ້​ດ້ວຍ​ພະ​ລັງ​ຕົນ​ເອງ ດັ່ງ​ນີ້, ປົກ​ກະ​ຕິ​ແລ້ວ ຫາ​ກ​ຈິດບໍ່​ບໍ​ລິ​ສຸດ ຫຼື ບໍ່​ມີ​ຈິດ​ກົງ​ຕໍ່​ນິ​ພ​ພານ (ໂສ​ດາ​ບັນ) ຈະ​ບໍ່​ມີ​ການ​ຖ່າຍ​ທອດ​ກຳ​ມະ​ຖານ​ຂັ້ນ​ສູງ​ກັນ​ຢ່າງ​ເດັດ​ຂາດ ພ​ຣະ​ພຸດ​ທະ​ອົງ​ຊົງ​ຫ້າມ​ໄວ້ ຊົງ​ເທ​ດ​ສະ​ໜາ​ກ່ອນ ເມື່ອ​ບັນ​ລຸ​ໂສ​ດາ​ບັນ​ແລ້ວ ທ່ານ​ຈຶ່ງ​ໃຫ້​ກຳ​ມະ​ຖານ​ຕາມຫຼັງ ເພາະ​ກຳ​ມະ​ຖານ​ເຮັດ​ໃຫ້​ຄົນ​ຢຶດ​ຕິດ​ໄດ້​ອີກ ​ບາງ​ຄົນ​ຢຶດ​ຕິດ​ໃນ​ປະ​ຈຸ​ບັນ​ແລ້ວ ພໍ​ມາ​ຝຶກ​ຈິດ ເຫັນ​ອະ​ດີດ ຢຶ​ດ​ອະ​ດີດ​ຕໍ່ ເຫັນ​ອະ​ນາ​ຄົດ​ຢຶ​ດອ​ະ​ນາ​ຄົດ​ຕໍ່ ເຫັນ​ສະ​ຫວັນ​ຢຶດ​ສະ​ຫວັນຕໍ່ ດັ່ງ​ນີ້ ຈຶ່ງບໍ່​ສອນ​ກັນ​ງ່າຍໆ.

   ພະ​ລັງ​ຈິດ​ກໍ​ຄື ການ​ກຳ​ນົດ​ຈິດ ເຮັດ​ໃຫ້​ການ​ເຄື່ອນ​ໄຫວ​ຂອງ​ຈິດ​ສຳ​ນຶກ​ ມາ​ເຊື່ອມ​ຕິດ​ກັບ​ການ​ເຄື່ອນ​ໄຫວ​ຂອງ​ຊີ​ວິດ ລວບ​ລວມ ແລະ ຫຍໍ້​ການ​ເຄື່ອນ​ໄຫວ​ຂອງ​ຈິດ​ສຳ​ນຶກ​ໃຫ້​ຫົດ​ຕົວ​ຢູ່​ໃນ​ພາຍ​ໃນ ເຊິ່ງ​ເປັນ​ການ​ລວບ​ລວມ​ການ​ເຄື່ອນ​ໄຫວ​ຂອງ​ຈິດ​ສຳ​ນຶກ​ ທີ່ບໍ່​ເປັນ​ລະ​ບຽບ ໃຫ້​ເປັນ​ເລື່ອງ​ດຽວ​ກັນ ຄິດ​ເຖິງ​ແຕ່​ເລື່ອງ​ດຽວ​ກັນ​ເທົ່າ​ນັ້ນ ແຕ່​ບາງ​ຄັ້ງ​ຈິດ​ໃຕ້​ສຳ​ນຶກ (ເລື່ອງ​ລາວ​ໃນ​ອະ​ດີດ) ອາດ​ຈະຫຼຸດ​ອອກ​ມາ​ເປັນ​ຄວາມ​ຄິດ ແຕ່​ເຮົາ​ໃຊ້​ຈິດ​ສຳ​ນຶກ​ພິ​ຈາ​ລະ​ນາ​ວ່າ ຄວນ​ທຳ​ຕາມ​ຈິດ​ໃຕ້​ສຳ​ນຶກ ຫຼື ບໍ່​ທຳ​ຕາມ ຫາກ​ເຮົາ​ສາ​ມາດ​ເອົາ​ຊະ​ນະ​ຈິດ​ໃຕ້​ສຳ​ນຶກ​ທີ່ບໍ່​ດີ​ໄດ້ ສະ​ແດງ​ເຖິງ​ເຮົາ​ມີ​ພະ​ລັງ​ຈິດ ສາ​ມາດ​ບັງ​ຄັບ​ບັນ​ຊາ​ຈິດ ເຊິ່ງ​ທຳ​ໜ້າ​ທີ່​ຄິດ​ໄປ​ເລື້​ອຍໆ ຫາ​ກ​ພັດ​ທະ​ນາ​ຈົນ​ໄປ​ເຖິງ​ລະ​ດັບ ຮູ້​ເທົ່າ​ທັນ​ໃນ​ປະ​ຈຸ​ບັນ​ຂະ​ນະ ເອີ້ນ​ວ່າ: ສຳ​ເລັດ​ວິ​ຊາ​ແລ້ວ.

   ພະ​ລັງ​ຈິດ ເກີດ​ຈາກ ຈິດ​ທີ່​ບໍ​ລິ​ສຸດ ບໍ່​ມີ​ນິ​ວອນ 5 ຈ​າກນັ້ນ​ທຳ​ສະ​ມາ​ທິ​ກຳ​ມະ​ຖານ ຈົນ​ໄດ້​ຍານ ເມື່ອ​ຈິດ​ບໍ​ລິ​ສຸດ​ເຂົ້າ​ສະ​ມາ​ທິ ກຳ​ລັງ​ຂອງ​ຍານ​ຈະ​ທຳ​ໃຫ້​ຈິດນັ້ນ​ມີ​ພະ​ລັງ​ເຊັ່ນ: ມະ​ໂນ​ມະ​ຍິ​ດ​ທິ ລິດ​ທິ​ທ​າງ​ໃຈ ພະ​ລັງ​ເຫຼົ່າ​ນີ້ ຄື​ຜົນ​ໄດ້​ຈ​າກ​ການ​ລະ​ວາງ​ກິ​ເລດ​ຕ່າງໆ ຫາກ​ປະ​ຕິ​ບັດ​ຕໍ່​ໄປ ມີ​ໂອ​ກາດ​ບັນ​ລຸ​ທຳຂັ້ນ​ສູງ ມີ​ອິດ​ທິ​ເດດ​ຂື້ນ​ມາ​ອີກ ເອີ້ນ​ວ່າ: ຍານ​ສະ​ມາ​ບັດ ວິ​ຊ​ຊາ ວິ​ມຸດ​ຕິ ຫຼັງ​ຈາກ​ທີ່​ບັນ​ລຸ​ມັກ​ຜົນ​ແລ້ວ ຈະ​ບໍ່​ສົນ​ໃຈ​ໃນ​ອິດ​ທິ​ເດດ​ໃດໆ ມີ​ພຽງ​ວິ​ມຸດ​ຕິ ດັບ​ຈິດ ດັບ​ສັງ​ຂານຕໍ່​ໄປ.