ການອອກແບບຖານຂໍ້ມູນ

➥ ການອອກແບບຖານຂໍ້ມູນມີ 5 ຂັ້ນຕອນຄື:

 1. ເກັບລວບລວມຂໍ້ມູນລາຍລະອຽດທັງໝົດ

ແມ່ນຂຽນຈຸດປະສົງຂອງຖານຂໍ້ມູນ ເຊັ່ນ: ຖານຂໍ້ມູນຂະໜາດນ້ອຍສຳລັບທຸລະກິດຄອບຄົວ, ຖານຂໍ້ມູນລູກຄ້າເກັບຂໍ້ມູນລາຍຊື່ລູກຄ້າສຳລັບຈຸດປະສົງການສົ່ງຈົດໝາຍແລະລາຍງານກ່ຽວກັບການຜະລິດ ດັ່ງນັ້ນຈື່ງເນັ້ນໄປທີ່ຈຸດປະສົງຂອງການສ້າງຖານຂໍໍ້ມູນ.

 2. ກຳນົດໂຄງສ້າງຂອງ Table

 ຄືການຄົ້ນຫາ ແລະ ຈັດລະບຽບຂໍ້ມູນ ໄຫ້ເລີ່ມດວ້ຍຂໍ້ມູນທີ່ມີຢູ່ ເຊັ່ນ: ເຮົາອາດຈະບັນທືກຄຳສັ່ງຊື້ໃນບັັນຊີແຍກປະເພດ ຫຼື ເກັບຂໍ້ມູນລູກຄ້າແບບຟອມໃນໄຟລ໌ເອກະສານເຫຼົ່ານັ້ນ ແລະ ເຮັດເປັນລາຍການແຕ່ລະຊະນິດ ເຊັ່ນ: ຊື່ ແລະ ນາມສະກຸນ, ທີ່ຢູ່, ບ້ານ, ເມືອງ, ແຂວງ, ລະຫັດໄປສະນີ, ເບີໂທ ແຕ່ລະລາຍການເຫຼົ່ານີ້ສະແດງຄໍລ້ຳທີ່ຈະເກີດຂື້ນໃນຕາຕະລາງ.

 3. ກຳນົດຄີຫຼັກ

       ຄືການກຳນົດລະຫັດແຕ່ລະຕາຕະລາງທີ່ບໍ່ຊໍ້າກັນ ກຳນົດເຖິງແຕ່ລະແຖວທີ່ຈັດເກັບໃນແຕ່ລະຕາຕະລາງ ເຊີ່ງອາດຈະເປັນເລກປະຈຳຕົວທີ່ບໍ້ຊ້ຳກັນ ເຊັ່ນ: ເລກ ID ຂອງພະນັກງານ ຫຼື ເລກລຳດັບໃນຄຳສັບຖານຂໍ້ມູນທີ່ເອີ້ນວ່າ: ຄີຫຼັກ

 4. ນຳໃຊ້ Normalization

      ຄື ວິທີການໜຶ່ງທີ່ຊ່ວຍລົດຄວາມສັບຊ້ອນຂອງຂໍ້ມູນຈາກ Database ເຊີ່ງເປັນວິທີການກຳນົດແອັດທິບິວໄຫ້ແຕ່ລະອັນທິຕີ້ ເພື່ອໄຫ້ໄດ້ໂຄງສ້າງຕາຕະລາງທີ່ດີ ສາມາດຄວບຄຸມການສັບຊ້ອນຂອງຂໍ້ມູນ ແລະ ຫຼິກລ້ຽງຄວາມຜິດປົກກະຕິຂອງຂໍ້ມູນ ຈະເຮັດໄຫ້ຂໍ້ມູນນັ້ນລົດໜ້ອຍລົງແຕ່ຈຳນວນຕາຕະລາງຈະເພີ່ມຂື້ນ.

 5. ກຳນົດຄວາມສຳພັນ

ນຳ Table ທີ່ໄດ້ຈາກ Normalization ມາສ້າງຄວາມສຳພັນໂດຍໃຊ້ຄີຫຼັກກຳນົດມາເປັນຕົວເຊື່ອມ ເຊີ່ງອາດເປັນແບບ One – to – One , One – to – Many , ຫຼື Many – to – Many ຂື້ນກັບລັກສະນະຂອງຂໍ້ມູນການກຳນົດຄວາມສຳພັນລະຫວ່າງ Table