➥ ຄວາມສຳຄັນຂອງລະບົບການຈັດການຖານຂໍ້ມູນ.
ການນຳເອົາລະບົບຕອມພິວເຕີ
ມາໃຊ້ງານເພື່ອປະມວນຜົນຂໍ້ມູນ ນອກຈາກຈະອຳນວຍຄວາມສະດວກ ໃນການທຳງານໄດ້ຢ່າງວ່ອງໄວແລ້ວ ຍັງມີຄວາມຖືກຕ້ອງແມ້ນຢຳໃນການປະມວນຜົນອີກດ້ວຍ
ຕົວຢ່າງ ກໍລະນີລະບົບຖານຂໍ້ມູນຂອງໂຮງໝໍ ເມື່ອມີຜູ້ປ່ວຍຕ້ອງການເລືອດ
ໝວດເລືອດພິເສດໂດຍເລ່ງດ່ວນ ຈຳເປັນຕ້ອງການຜູ້ບໍລິຈາກໝວດເລືອດດຽວກັນໂດຍໃຊ້ຖານຂໍ້ມູນ
ຄົ້ນຫາຜູ້ບໍລິຈາກເລືອດ ທີ່ມີຄຸນສົມບັດໄດ້ຢ່າງວ່ອງໄວ ໄດ້ແກ່ຜູ້ບໍລິຈາກເລືອດທີ່ມີນ້ຳໜັກຫຼາຍກ່ວາ
45 ກິໂລ ແລະ ບໍລິຈາກເທື່ອສຸດທ້າຍມາແລ້ວເກີນ 90 ວັນ ຜູ້ບໍລິຈາກຄວນມີທີ່ຢູ່ໃກ້ໂຮງໝໍ
ເປັນຕົ້ນ ນອກຈາກນີ້ລະບົບຖາຍຂໍ້ມູນຍັງມີຄວາມສຳຄັນໃນດ້ານຕ່າງໆອີກ ດັ່ງນີ້:
1.
ຄວາມມີປະສິດທິພາບ.
ລະບົບການຈັດການຖານຂໍ້ມູນ ຊ່ວຍໃຫ້ການຈັດການເປັນໄປຢ່າງມີປະສິດທິພາບ ແລະ
ບັນລຸຜົນຫຼາຍຂື້ນ ເຊັ່ນ: ອະທິການບໍດີຕ້ອງການຮູ້ວ່າໃນແຕ່ລະປີມີອາຈານ ຫຼື
ບຸກຄົນກະສຽນອາຍູລາຊະການເປັນຈຳນວນເທົ່າໃດ ແລະ ມີອາຈານສາຂາໃດທີ່ກະສຽນ
ໃນອະນາຄົດມີສາຂາໃດຂາດແຄນ ຫຼື ບໍ່ ລະບົບຖານຂໍ້ມູນສາມາດໃຫ້ຄຳຕອບແກ່ຜູ້ບໍລິຫານໄດ້.
2.
ການສອບຖາມຂໍ້ມູນ.
ລະບົບການຈັດການຖານຂໍ້ມູນມີພາສາ
ທີ່ໃຊ້ໃນການສອບຖາມສຳລັບສອບຖາມຂໍ້ມູນໄດ້ທັນທີ ເຖິງວ່າໂປຣແກຣມເມີ
ບໍ່ໄດ້ຂຽນຄຳສັ່ງສອບຖາມໃນບາງລາຍການເອົາໄວ້ ຜູ້ໃຊ້ທີ່ມີຄວາມຊຳນານ ສາມາດໃຊ້ຄຳສັ່ງ ເພື່ອໃຫ້ໄດ້ຄຳຕອບແບບທັນທີທັນໃດໄດ້ເຊັ່ນກັນ
ເຊັ່ນ: ໃນກໍລະນີລະບົບຖານຂໍ້ມູນຂອງຜູ້ປ່ວຍ
ຖ້າຜູ້ບໍລິຫານຕ້ອງການຮູ້ຈຳນວນສະຖິຕິຂອງຜູ້ປ່ວຍ ທີ່ເກີດອູບັດຕິເຫດ ຈາກລົດຈັກ
ວ່າມີຈຳນວນເທົ່າໃດ ສາມາດໃຊ້ຄຳສັ່ງສອບຖາມແບບງ່າຍໆໄດ້.
3.
ການເຂົ້າເຖິງຂໍ້ມູນ.
ລະບົບການຈັດການຖານຂໍ້ມູນ ໃຫ້ບໍລິການການເຂົ້າເຖິງຂໍ້ມູນໄດ້ເປັນຢ່າງດີ ມີລະບົບຮັກສາຄວາມປອດໄພລວມທັງການຈັດການຂໍ້ມູນທີ່ດີ
ເພາະລະບົບການຈັດການຖານຂໍ້ມູນ ມີຟັງຊັນການໃຫ້ສິດທິການເຂົ້າເຖິງຂໍ້ມູນໂດຍບຸກຄົນພາຍນອກບໍ່ສາມາດເຂົ້າເຖິງຂໍ້ມູນໄດ້
ຖ້າຫາກບໍ່ໄດ້ຮັບສິດທິຈາກຜູ້ບໍລິຫານລະບົບ.
4.
ຫຼຸດຂໍ້ມູນທີ່ຂັດແຍ່ງ.
ລະບົບການຈັດການຖານຂໍ້ມູນຊ່ວຍຫຼູດຄວາມບໍ່ສອດຄ່ອງ ຫຼື
ຂໍ້ມູນທີ່ຂັດແຍ່ງກັນໃຫ້ໜ່ອຍລົງເຮັດໃຫ້ຂໍ້ມູນມີຄວາມສົມບູນຫຼາຍຂື້ນ.
ไม่มีความคิดเห็น:
แสดงความคิดเห็น