ພະຫູເທວາ

●▬▬▬▬ ◦•●◉✿✿◉●•◦▬▬▬▬●

ບົດສູດ ມັງຄະລະສຸຕຕັງ (ພະຫູເທວາ)

       ເອວັມເມ ສຸຕັງ ເອກັງ ສະມະຍັງ ພະຄະວາ ສາວັດຖິຍັງ ວິຫະຣະຕິ ເຊຕະວະເນ ອະນາຖະປິນດິກັດສະ ອາຣາເມ ອະຖະ ໂຂ ອັນຍະຕະຣາ ເທວະຕາ ອະພິກກັນຕາຍະ ຣັດຕິຍາ ກະພິກກັນຕະວັນນາ ເກວະລະກັປປັງ ເຊຕະວະນັງ ໂອພາເສຕະວາ ເຍນະ ພະຄະວາ ເຕນຸປະສັງກະມິ ອຸປະສັງກະມິຕະວາ ພະຄະວັນຕັງ ອະພິວາເທຕະວາ ເອກະມັນຕັງ ອັດຖາສິເອກະມັນຕັງ ຖິຕາ ໂຂ ສາ ເທວະຕາ, ພະຄະວັນຕັງ ຄາຖາຍະ ອັດຊະພາສິ.

ພະຫູ ເທວາ ມະນຸດສາ ຈະ             ມັງຄະລານິ ອະຈິນຕະຍຸງ

ອາກັງຂະມານາ ໂສດຖານັງ                    ພະຣູຫິ ມັງຄະລະມຸດຕະມັງ

ອະເສວະນາ ຈະ ພາລານັງ                     ປັນດິຕານັນຈະ  ເສວະນາ

ປູຊາ ຈະ ປູຊະນີຍານັງ                  ເອຕັມມັງຄະລະມຸດຕະມັງ

ປະຕິຣູປະເທສະວາໂສ ຈະ             ປຸບເພ ຈະ ກະຕະປຸນຍະຕາ

ອັດຕະສັມມາປະນິທິ ຈະ               ເອຕັມມັງຄະລະມຸດຕະມັງ

ພາຫຸສັດຈັນຈະ ສິບປັນຈະ             ວິນະໂຍ ຈະ ສຸສິກຂິໂຕ

ສຸພາສິຕາ ຈະ ຍາ ວາຈາ                ເອຕັມມັງຄະລະມຸດຕະມັງ

ມາຕາປິຕຸອຸປັດຖານັງ                          ປຸດຕະທາລັດສະ ສັງຄະໂຫ

ອະນາກຸລາ ຈະ ກັມມັນຕາ             ເອຕັມມັງຄະລະມຸດຕະມັງ

ທານັນຈະ ທັມມະຈະຣິຍາ ຈະ              ຍາຕະການັນຈະ ສັງຄະໂຫ

ອະນະວັດຊານິ ກັມມານິ               ເອຕັມມັງຄະລະມຸດຕະມັງ

ອາຣະຕີ ວິຣະຕີ ປາປາ                 ມັດຊະປານາ ຈະ ສັນຍະໂມ

ອັບປະມາໂທ ຈະ ທັມເມສຸ            ເອຕັມມັງຄະລະມຸດຕະມັງ

ຄາຣະໂວ ຈະ ນິວາໂຕ ຈະ             ສັນຕຸດຖີ ຈະ ກະຕັນຍຸຕາ

ກາເລນະ ທັມມັດສະວະນັງ            ເອຕັມມັງຄະລະມຸດຕະມັງ

ຂັນຕີ ຈະ ໂສວະຈັດສະຕາ             ສະມະນານັນຈະ ທັດສະນັງ

ກາເລນະ ທັມມະສາກັດສາ                   ເອຕັມມັງຄະລະມຸດຕະມັງ

ຕະໂປ ຈະ ພຣົມມະຈະຣິຍັນຈະ          ອະຣິຍະສັດຈານະ ທັດສະນັງ

ນິບພານະສັດສິກິຣິຍາ ຈະ              ເອຕັມມັງຄະລະມຸດຕະມັງ

ຜຸດຖັດສະ ໂລກະທັມເມຫິ            ຈິດຕັງ ຍັດສະ ນະ ກັມປະຕິ

ອະໂສກັງ ວິລະຊັງ  ເຂມັງ              ເອຕັມມັງຄະລະມຸດຕະມັງ

ເອຕາທິສານິ ກັດຕະວານະ              ສັບພັດຖະມະປະຣາຊິຕາ

ສັບພັດຖະ ໂສດຖິງ ຄັດສັນຕິ          ຕັນເຕສັງ ມັງຄະລະມຸດຕະມັນຕິ ຯ